السلام عليكم ورحمة الله وبركاته
خواتي أنا افكر أربي فمستشفى حكومي بس ماأعرف متى أبدأ أراجع عندهم؟
سألت وحده من ربيعاتي قالت من الشهر الخامس تبدين لأن عقب بتكون الأولويه لغيرج ولازم يعرفون شو محتايه وشو من الأدويه تتحسسين منها وعندج التهابات عسب يعطونج ابره قبل الولاده..
وشو رايكن فمستشفى دبي؟يعني شو تنصحوني وشو تخيروني دبي ولا الوصل؟
أنا حامل فالبجر وماأعرف لهالسوالف ساعدوني دخيلكن
وربي يعطيكن الف عافيه..
انا بجر شراتج
رحت من الخامس… ورديت غيرت المستشفى… ورحت بعد على حكومي … وسرت له على آخر الخامس او السادس على ما اذكر… بس احسن سيري من البدايه… ولا بيستهبلون عليج ..
يعني روحي من الخامس
حبيبتي انا دايما اربي في مستشفي دبي وكل مراجعاتي تبدي من الشهر الرابع
انصحج تسيرين من الرابع والوصل أفضل أذا قدرتي تفتحين ملف هناك
والله يسهل عليج حملج وولادتج يارب العالمين
انا سرت من الرابع …… بس عطوني موعد عقب شهر
خخخخ انا الين الحين متعايزة ما حب الزحمة قلت براجع في خاص وفي السابع او الثامن بفتح ملف
من الثامن لانه ما يحتاج قبل
انزين شو افضل الوصل ولا دبي؟