السلام عليكم ورحمة الله وبركاته
كيفكم انا بأذن الله بروح دبي على بدايه مهرجان التسوق وعندي كم سؤال
ابي مساعدتكم ابي اعرف وين احصل محلات تبيع فساتين سهرة جاهزة
ويكون اسعارها معقوله وهم ابي اعرف وين ينباعون الكاتلوجات حقت
فساتين سهرة شرات سنوب الحسناء وابي اسواق شعبيه ومراكز غير
(دبي سنتر وحمر عين )
لوتوصفون المحلات بالتفصيل يكون افضل معليه طولتها بس والله محتاجة
ها المعلومات لان العام رحت وماقدرت احصل اللي ابي
الله ينول اللي ترد علي كل خير دنيا واخرة
وسلامتكم
مرحبا الغاليه
اول شي حياج الله فديتج في بلادج
1- محلات الفساتين في وايد اماكن بتحصلين في مركز البستان اسعارهم زينه لكن مب دايما اتحصلين عندهم شي حلو
وفي مركز الهنا بعد
2- الكتلوجات بتحصلين في شيشة البترول (امارات) او في المكتبات
3-اسواق عندج اسواق الجمله وسوق مرشد وسوق عكاظ وسوق نايف والراس
3-السناتر كثيييييره دبي فستفال ستي – امرتس مول – ابن بطوطه – برجمان – ستي سنتر ووايد سناتر
وعندج دبي اوتلت ستي هالمركز فيه وايد محلات مثل الدو وادمز ووايد محلات الموجوده في المولات بس بسعر اقل لان البضاعه قديمه
ان شاء الله استفدتي
واذا بغيتي اي شي خبريني
والسموحه
ما قصرت اختيه الوفيه عطتج اهم المعلومات
واذا عندج اي استفسار ثاني ترانا في الخدمه
وحياج الله في دبي
الوفيه
مشا الله عليك عطيتيني اللي ابي وزيادة ماقصرتي هاذي عادات بنات الخير
بنات الامارات وجزاك الله خير
الدمعه
اشكرك على مرورك ماتقصرين وجزاك الله خير
حياج الله اختي ^__^
تقادير
اشكر مرورك عزيزتي وفيك الخير
ماتدرون وين احصل خريطة لمدينة دبي يعني توضح
مواقع المراكز وين تنصحوني اروح المنتزهات والمراكز الترفيهيه