منو طرشت ورد لريها في الدوام ؟؟؟؟؟ جاوبوني بلييز

السلام عليكم
شحالكن خواتي . بغيت رائيكن بليز باجر عيد ميلاد ريلي وانا مو مجهزة له شي وما عندي الصراحة فلوس عشان اجهز ف قلت اخد له ورد وكيكة كتغير و نفس الوقت اني ما نسيت ميلاده وقلت اطرش له ورد وكيكة للدوامه ومترددة خايفة يزعل ولا ينحرج جدام ربعه ؟
منو سوتها قبل وشو كانت ردة فعل ريلج ؟

عزيزتي انتي ادرى بريلج اذا يحب نفس هالنوع من المفاجات او لا اذا تحسينه بيستانس طرشيله

انا مره طرشت لوحده من قرايبي طلبت مني اطرش لريلها استانس وبنفس الوقت ماعيبه عشان جدام ربعه ف عشان جيه انتي اخبر فيه

الورد والكيك ترومين تعطينه اياه فالبيت وبيفرح اهم شي انج تعنيتي بس ما انصح اطرشيله الدوام لانه الريال بشكل عام ما تتطرشله هدايا ورد وكيك الا اذا حرمه مطرشه فيمكن ياخذون فكره مب حلوه عنه وانتي في غنى من احراج ريلج جدام الموظفين شي من الرياييل يتحسسون حتى لو ما قال لانه المناسبه مب شبابيه وهذا خاص بينج وبينه مب شرط ترومين اللي في دوامه اهتمامج الرياييل مب نفسنا بس اذا يبتيله ادوات مكتبيه وتغلفينها واطرشينها اوكي انا ريلي اهديه ادوات للمكتب ع اشكال شبابيه ويستانس وما يتفشل جدام ربعه ويقول من الحرمه بس ورد وكيك شوي يمكن ينحرج لانه الهديه لين توصل عنده بتمر ع رسبشن وبيقرون البطاقه شو بتكتبين من حرمك المصون ولين توصل عنده عاده عشرين واحد ينغزه

ما أنصحج بالحركة بتييه تعليقات وبيتضايج لو في البيت وجو خاص وتتعدلين وتستقبلينه بورد أو هدية لو كانت بسيطة أحلى

سوي له شيئ بسيط في البيت يمكن يتضايق من هذه الحركو في الدوام

وعليكم السلام ورحمه الله هلا اختي ادري ان خاطرررج اتسوووين له احلى مفجاه بس انا مع رأي البنات لانيه

عسبت جي رأيي اذا تبغين شيء غير مفجاه البيت مثلا اعزمينه ف الفندق اليلسات اللي بتكون برع اللوبي فيها حديقه او صوب المسبح وحطي ورد وكيك , وكل عام وانتم بخير