منوه سار العمره جريب

بنات حد يعرف شو الاوضاع في مكه
ابا اسير العمرة بس نسمع انه في وايد اصابات بانفلونزا الخنازير في السعودية
ابا اسير حتى لو يومين بس
وانا من النوع الي يوسوس وايد (وسواس نظافة)
ما اعرف شو اسوي
خبرووني

معقوله ما حد سار العمرة جريب او يعرف حد سار!!!!!!!!!!!

اممممممممممم انا سمعت في ناس من معارف امي بيسيرون، بسأل اذا ساروا وبرد عليج خير،،

بس حبيبتي ترى شيء عندنا تطعيم،، اخواني وامي قبل لا يسافرون تايلاند ساروا خذوه بس لازم قبل ما اتسافرين ب 10 ايام

الغاليه التطعيم هب مال الانفلونزا ،، التطعيم مال الحمى الشوكيـه ..

اتوكلي على الله ..
وربج بيحفظج ..
واذا ربج كاتب المرض لعبده بيصيبه لو كان مندس في بيته ..

الغاليه انا سرت في شهر سته وكنت نفسج خاااااااااايفه واوسوس بس من دخلت مكه نسيت كل امراض الدنيا وبالرغم من اللي يكحون ويعاطسون وخاصه الجاليه الاندونسيه تعطس في ويهج دايركت بس ولله الحمد اعتمرنا ورجعنا بالسلامه كانوا ثلاثة ايام بس ..

الغاليه انا كنت هناك من ثلاث اسابيع تقريبا سرت مكه ثلاث ايام والمدينه يومين والحمدلله ردينا بالسلامه بس اهم شي تاخذين وياج فوار فيتامين سي .. وتاخذين الكمامات الي تنحط على الخشم ودوم اتعقمين اديج تاخذين معاج الويبس (كلينكس ديتول المرطب) اتوكلي على الله

انا ان شاء الله ناويه اروح عشره الاواخر من رمضان
لكن فيه ناس راحو كم مره والحمد لله ما صابهم شي
الي الله كاتبله يمووت بيموووووووووت