بنات اليوم بيي ريلي مع اهله في بيتنا.. وانا عندي قميص بودي كمه طويل بلبسه لونه بيج وعليه ورود عنابية فاتحة تقريبا وخضرا بالخيوط.. وشوية فولك بسيط في وسط الورود.. وتنورة جينز كحلية غااامجة ضيقة من فوق شوي بس واااسعة تحت وفيها قصة شكل وردة من تحت وعليها خطوط بيج خفيفة بالخيط.. بس المشكلة ماعرف كيف اتمكيج؟؟ محتاارة شو الالوان اللي احطها بالضبط؟؟ اتجحل لاينر والا جحال داخل العيون والروج كيف؟؟وشو اخر موضه؟؟ موضة مكياج الشتاء؟؟!! يعني اشوف ارائكم.. وطبعا اللبس لباس برد..
في انتظاااااااااااركم..
الغاليه الله يوفقج ويسهل امورج يارب ويجعله لج زوج صالح يارب
الغاليه شوفي احسن الوحده ماتبالغ في مكياجها احلا شي يكون المكياج خفيف ولامبالغ فيه واكثر الرياييل مايحبون المكياج الزايد في حريمهم خلي مكياجج بسيط وشوفي شو اللون اللي غالب ع لبسج وحطي مكيالج نفس اللون اللي غالب ع لبسج والله يوم كان ريلي اييني زياره كان مايحبني احط مكياج بالمره يحب الجمال الطبيعي اكثر
بس كنت احط كحل وروج خفيف واي شدوه خفيف مرات يحلف اروح اغسله يقول بيخرب ويهج هههههههههههههههه
والله يوفقج يااالغلا ويسهل امورج
هههههه تسلمين.. وريلي بعد نفس الشي ما يحب المكياج الثقيل يحبه بس خفييييييف .. ومشكورة عالنصيحه الحلوة .. واتريا باقي البنات
يعتمد على لون بشرتج بعد
بس ع العموم حاولي ما تكثرين بالميك اكي حطي شي خفيف
الغاليه هالفتره مركزين على الجحال الاسود وممكن ترسمين عينج بالايلاينر من فوق اذا يناسبج
وجربي تحطين مرطب لابيلو الاحمر وعليه جلوس شفاف او وردي
بصراحه يعطي مظهر طبيعي وروووعه وفي نفس الوقت ترطيب
انا نادر ما استعمل غيره
انا بشرتي حنطية فاااتحة.. بشوف شو اللي يناسبني وبجرب
مشكورات خواتي عالنصايح الحلوة.. اتريا البقية
حبيبتي ، رطبي ويهج بمرطب طبي على ويهج عشان اتكون بشرتج طبيعيه ومخمليه وعقب حطي بودرة كلينك مع شوية ماي فالاسفنجه وطبعا حسب لون بشرتج ، بس لا تحطين لون فاتح ، خلي البودره لونها أفتح من بشرتج بدرجه وحده بس ، عشان اتكونين طبيعيه
وحطي بلاشر على خدودج بلون الوردي عالبيج ، وحطي جحال قلم في عيونج وعالجفن حطي شدو بيج أو عنابي خفيف وفوقه البيج عشان يكون أخف وعقب حطي خط آيلاينر الأسود وعقب عالسريع حطي شدو أسود فوق الآيلاينر وحركي الآينر فالفرشاه ، عشان ما يبان الآينر واتكون اطلاله طبيعيه ، وحطي روج هادي بيج على الأورانج شوي وحطي فوقه قلوس شفاف أو على لون البشره , والله يوفجج