السلام عليكم و رحمة الله و بركاته ..
الصراحة هذي اول مشاركة لي في هالقسم و لاني احب هالمنتدى وايد و احس البنات فيه مثل خواتي و اعز و كل وحدة تخاف على الثانية تشجعت اطرح موضوعي ..
انا يا بنات مالجة .. و المشكلة انه ريلي طيب و حنون و كريم و كل شيء فيه زين ( الله يحفظه لي و يتمم لنا على خير ) ادعوا لي يا خواتي الامورات..
بس المشكلة انه من النوع الي يعصب بسرعة و يمل بسرعة !! شو اسوي وياه .. يعني اذا كان معصب شو اسوي معاه عسب يرضى و شو من المواضيع الي تجذب الريال و تخليه ما يمل .. انا بطبعي هادية و اجتماعية و احب اسولف و اضحك بس مرات انحرج معاه و استحي ما اعرف شو اقوله و هو من النوع الي لما يكون شيء شاغل باله يسكت و انا اكره السكوت و احب اخليه يتكلم بس احس انا الي اسولف و اتكلم بس لما يكون اوكي و مهدي وكل شيء تمام ما يخلي شيء ما يقوله
انا ابا اسوي شيء يخليه حتى لما يكون متضايج يتكلم و شو الاسلوب الي استخدمه معاه و شو المواضيع الي تبعد الملل عن الريال؟؟
اتمنى منكن بنات المعرسات او المالجات تساعدوني و الي عندها خبرة ما تبخل عليا؟؟
و ادعو لي بنات الله يسخره لي و يتمم لنا على خير عرسنا ويبعد عن الشر و الحسد 
و شكرا
اذا شئ شاغل باله شي طبيعي ماراح يسولف وايد لنه باله مشغول فالافضل انج تخلينه على راحته واحمدي ربج شي من الرياييل يحبون ينعزلون عن حريمهم بسبة هالشئ فالريال قاعد يراضيج ومايبا يخسرج فخليه على راحته وسولفي وياه وشوفي المواضيع اللي تعجبه نكته مثلا اوعن السياسة المواضيع اللي تجذبه وانتي ابخص فيه والله يهنيج وياه
شوفي حبيبتي الريال بطبعه يوم يضايج او يفكر بشي ما يحب انه حد يدخل فيه تفكيره
وانا لاحظت وايد على اخواني وريلي بعد
يعني ريلي تييه ايام انصدم منه يعني مب اهو ريلي الي اعرفه صح ها الشي مب حلو لان يكدر عليج
لكن حاولي اتفهمينه انج انتي الحين مرته وخاطرج ما يكون مهموم وفكره مشغول ويمكن بعد اتساعدينه
يعني اتحملي دام اهو مب دوم جيه اتحملي
وبعد فهميه بالهداوه وصدقيني الحين انتي مالجه يعني عدكم
اصبري يوم اتكونون تحت سقف واحد بيحس بج اكثر وبيشاركج تفكيره
والعصبيه ما ادري شو الحل وياها والله انا بروحي عصبيه زود عن ريلي ويبالي من يهديني هع هع
الله يخليكم لبعض
يااااااااااااااااارب
يزاكن الله كل خير
وموضوع جداً مفيد اتمنى من الخوات المعرسات يفيدوننا في هالأمور
حبيبتي لا تضغطي عليه
خليه ع راحته
يوم اتحسين ما يبغي يرمس لا اتضغطي عليه بعد فتره بروحه بيخبرج كل شيء
إذا تميتي طول الوقت اتقولين شو فيك اش بلاك ارمس فضفض
صدقيني بيتضايق منج وبينفر
الرياييل جيه خلج ثقيله وخليه اهو اللي ينبش ويسعى عشان يسولف معج
لا تمين اتلعلعين طول الوقت
المشاركة الأصلية كتبت بواسطة خوخة555 
شكرا حبيبتي ع الرد وصدق استانست على ردج
إييييييييييييييييييييييييييييييييه يالرياييل وما أدراك ما الرياييل
هاذيلا أصعب فئه " في التعامل"