شحالكم خواتيه عساكم طيبين ان شاء الله ؟
هذا اول موضوع لي عندكم في القسم وحابه استفسر عن:
المستشفى الدولي الحديث – في دبي – في حد مربي منكم عندهم ؟؟
كيف عنايتهم ؟؟ وهل تنصحوني به ؟؟ زوجي مـــــــــــــــصـــــــــــــــــــــر مايبا
غير هذا المستشفى ايقول ارتحت من كلام الدكتوره الالمانيه "هي نفسها اللي
اراجع عندها ومتابعه الحاله هي اللي تولد" فا يلست شرحت له كل شي وهو
ماقصر بعد ماخلا شي ماساله .. وطاقم التوليد كلهن حريم من الدكتوره لنرسات
حتى اللي تضرب ابرة الظهر مب ريال .. وقالت انه حذال غرفة الولاده غرفة
دكتور الاطفال من يطلع البيبي سيده ايودونه عنده ويسوون له فحوصات من
الالف لين الياء .. وكذالك بعد ماتظهر الام والبيبي يتابعون حالتها وهي في البيت
اين نرسات شي جيه على مافهمناه من الدكتوره .. وهم روني الغرف والمكان
كله تقريبا المكان راقي ونظيف للانه خاص والنرسات اللي شفتهن شرحات
من شافنيه استانسن ماعرف ليش؟؟ اقول لريلي لبده محد ايهم وماصدقوا حد
ياهم مابا استوي حقل تجارب وهذا اول حمل وولاده لي مابا حد يلعوزني روحي
متروعه !!!!!!!!
وبصراحه على اللي شفته وسمعت عن مستشفى الوصل ودبي ماباهم يلعوزون
وانتي وحظج وياالدكتوره والنرسات وانهن مايستحملن ويفتنن
المهم ياريت اي وحده ميربه ولا سامعه عنهم تخبرني .. وبكون شاكره الكم ؟
والسموحه عالقصور
تربين بالسلامة دوين
ومبروك عليج فديتج
تسلمين غناتيه القمزيه .. وعقبالج ان شاء الله .. والسموحه عالقصور
الله يسهل عليج
ما عندي فكره عنه
والله يا الغاليه ما اعرف
ابولدي ربيت في الوصل احسهم اوكيه بس وايد يستعيلون يبون يولدون بقيصريه
الحين انا حامل وريلي قال ما بخليج اتسيرين لهم والله ما اعرف الله يكتب اللي فيه خير
بس يمدحون الامريكي
ربي يقومج بالسلامه
الله ايسر عليج و اتقومين بالسلامه يا رب… ما سمعت عنه فديتج.. بس عماتي و بنات خالاتي يربن بالامريكي و بصراحه وايد يمدحنه…
مرحبا خواتيه .. تسلمون على المرور و التواصل .. والسموحه عالقصور