السلام عليكم بنات … انا فتحت هالموضوع عشان كل وحدة تساعد الثانية .. الموضوع عبارة عن انج تقولين شو هوايتج و صور للادوات و المستلزمات و من وين اشتريتيه و بكم … يعني مثلا اللي هوايتها الخياطة تنزل صور لادواتها و كل شي تستخدمه حتى الاقمشة تقول من وين اشترتها او الكتب مثلا على شو تحتوي و هل استفادت منها و كذلك كيف تعلمت و اذا راحت معاهد او دورات هل استفادت …
يلا بنات نبي تفاعل لان كثير مواضيع تتكرر بسبب الاسئلة هاذي فانا حبيت نجمعها بمكان واحد عشان اللي تبي تستفسر تلاقي الجواب … ارجو من المشرفات تثبيت الموضوع عشان لا يضيع بين الصفحات …. تحياتي
فكرة حلوة
رفع
رفع عشان البنات يشوفون الموضوع … رفع
فكرة حلووووة
الله يوفقج
فكره حلوه
بالتوفيق 
فكرة حلوه واااايد انا ابا رايكم في الاشياء اللي يمكن تستخدم في شيل البيت
السلام عليكم الغاليات
انا احب صناعة العلب باشكال مختلفة واهم شي اكيد الورق المقوى واخذه من المكتبات بس حاليا حصلت نوع ية اوراق حلووووة واااااااااااااايد ما شاء الله في مكتبة في مدينة خليفةأ / ابوظبي طبعا …
شي ثاني الخرامات اللي استخدمها في صناعة العلب والاختام اشتريها من محل في ابوظبي اسمه ركن الحرف اليدوية فيه اشياء حلوووة بس للاسف مب وايد ومب كل الاشكال او الاشياء اللي احتاجها احصلها شي محلين في دبي اعتقد فيهم اشياء واااااااااااااايد بس على حسب ما سمعت انهم وايد غاليين + منو بيوديني اصلا دبي انا ابوظبي يالله يالله اسير ,, وبعد شي خرامات اشتريتهم من هنيه من المنتدى من ثلوج الصيف كانت عارضة اول خرامات وسط وميني بس كنت اتمنى لو انها توفر خرامات باشكال واحجام ثانية 
وحصلت موقع حق وحدة سعودية في النت عندها كم شغلة افكر اخذ من عندها لان الاسعار اوكي ما تفرق عن اسعار المحل اللي اخذ منه في ابوظبي بالعكس في اشياء ارخص واشياء مب متوفرة هنيه ,, وبعدني افكر في الموضوع ,,
واكيد ما انسى الطباعة والكمبيوتر اللي اشتغل عليهم يعني لو ما توفرت الاختام ممكن اطبع صور وزخارف على العلب وعادي يمشي الحال بس الموضوع اني احب الشغل يكون يدوي مئة في المئة ,,,, تقريبا ها اللي اخذه الحين ,,
والله يوفق الجميع لما يحب ويرضى
@اختكم في الله @
ام ناصر