ملف التعافي من الحروق

راح ابدأ بتجربتي الشخصيه …
بنتي تعرضت للحرق لما كانت بعمر سنه ونص بسبب ماء مغلي …تعرضت لثلاث انواع من الحرق الدرجه الاولى في وجها …الدرجه الثانيه في رقبتها وجزء من ذراعها وركبتها …الدرجه الثالثه في صدرها ..عالجناها في احد مستشفيات الدوله وللاسف ما كان علاج كان تعذييييب وزادوا عذابي وعذاب بنتي فوق ما تتصورون فطلبنا اكمال علاجها في الخارج بدولة اوروبيه والحمدلله قدروا يسيطرون على الجروح الغير مندمله والي يأسوا الاطباء عندنا من وقف النزف فيها لمدة شهر وفي اوروبا بيومين بس ومن غير ما ابالغ …الحمدلله على كل حال …بس لازال الاثر موجود في وسط صدرها وقالوا الاطباء انه انشاء الله راح يختفي تدريجيا اللون الفاتح والانثناءات في الصدر ممكن لو ظلت تنشال بعمليات تجميليه بس تكبر وتبدأ سن البلوغ…والحمدلله على كل حال …اهم شيء اني عمري ما حسستها بان فيها شيء غريب ..او منعتها من لبس الملابس الي ممكن تبين اثر الحرق ..او منعتها بالسباحه في الاحواض العامه …بالعكس اشجعها وفعلا احس انها تعودت على الشكل بل صار جزء مخفي بالنسبه لها والحمدلله.

الواح شوتبونه يقول … يقولولنا مستشفياتنا من احسن المستشفيات يقصون علينا ونحن نصدق .. وحدة نعرفها ريلها محترق حروق من الدرجة الثالثه قسما بالله بهدلوه شهرين وهوه طايح في المستشفا قالولها لازم تيبـله مثل النايلون ما اعرف شسمه وشهرين يلبسونه تعرفون حتى عياله مب متقبلين شكله لانه حتى ويهه محترق المهم وعقب محاولات طرشوه المانيا يعالجونه تعرفون شوقالولها قالولها علاجة يمكن يطول سنتين او اكثر مع عمليات التجميل تعرفون ليش عشان اللبس النايلون يعني الاغبياء الريال محترق تلبسونه نايلون ويقولولنا مستشفياتنا من احسن المستشفيات الظاهر يقصدون من حيث المعدات اما من حيث الدكاترة حدث ولاحرج

واي خوفتوني صراحه بنتي متعرضه للحرق وسبب هو شاي الحار درجات الحرق أولى وثانيه والحمد الله نفس شيء ملبسينها شي مثل نايلون فيها ماده مثل مضاد حيوي مثل ماقلتي أسماء يطلع ماده لونه بني ريحته أرف بس ماعرف شو أسوي والله والله أني محتاره وكل يوم قلبي يعورني عليها أنا متوتره بدرجه فضيعه معقوله كل هذا إلا سولها ماينفع الله يخليكم أفيدوني
أختي الغاليه أسماء أي واحد من الحروق إلا أضطريتي اسافرين ألمانيا هل هي الثالثه

المهم خلينا رد على موضوع بنتي أسماء حبيبتي ممكن تقوليلي أسم دكتور إلا كنتي سيريله في مستشفى دوله مشكوره

بنت الشوامس…مشكوره الغاليه على المشاركه ..والله يعينا على هالدكاتره.. المشكله ان الحروق يبالها متخصصين واحنا في الدوله ما عندنا تخصص خاص فيها حتى في الطواريء ما يعرفون يتصرفون.

أم عبد الله99….الله يعينج ويشفي بنتج بس نصيحه لو تقدرون تسافرون فيها برع سافروا روحوا المانيا بمدينة ميونخ فيها مستشفى اسمه شوابنج خاص للأطفال اروع ما يكون في التعامل وعندهم بروفيسور واستشاريين خاصيين للحروق…ونفس اللبس الي قلتيه هو الي استخدموه لبنتي والله انه ما ينفع غير انه يطري الجرح بس …نصيحه اذا حروق بنتج من الدرجه الثانيه بس حطي ميبو احسن بمليون مره ولا راح يترك اثر انا بنتي ويها كان من الدرجه الاولى والثانيه وخفت عليها من التشوه والمستشفى عطوني مرهم من عندهم ولما سالت الدكتور عن الميبو قال لا هذا ما ينفع وانتي راح تكونين المسؤوله عن الي بيصير …توكلت على الله وداويتها فيه والله العظيم ان ويها صار ولا كان فيه شيء وناعم ومو مبين فيه ولا اثر الحمدلله …والدكتور الي في مستشفى………سوداني وفي واحد عراقي مشهور يطلعونه بالتلفزيون وهو لا يهش ولا ينش بس اسم في المستشفى مره بس دخل علينا او اثنين ..

مـــرحبا الغاليه..

حياااج الله

ميرة دبي …تسلمين يالغلا …وانشاء الله يتفاعلون البنات ويانا وهذا موضوع مهم وفيه فايده للكل.