معاناتي مع تحويل المعدة الجزء الثاني والأخير

اول شي شكرا لكل من سألت عني وكانت تحاول تعرف اخباري مع اني انقطعت فترة بسبب انشغالي

بدوامي,,, على العموم ما بطول عليكم ,, للي تبي تعرف عن مشكلتي السابقة تدخل على موضوعي

السابق,,

http://forum.uaewomen.net/showthread.php?t=739330

المهم يا بنات انا صارلي تقريبا ثلاث شهور بالضبط بعد ما سويت عملية تحويل المعده ,, الحمدلله

نفسيتي تغيرت وايد خاصة بعد مارجعت للدوام وغيرت جو وفنفس الوقت بعد ما لاحظت انه حياتي

بدت تتغير,, تصدقون الحياة صارت مختلفة واااااايد عن قبل الحمدلله على النعمه اللي انا فيها احين..

الكل احين يسألني عن سبب الرشاقة " طبعا اللي مايعرف اني سويت العملية" والباقين بعضهم

مستانسين لي والبعض غيران طبعا… وبعض الحريم اللي اعرفهم ساروا وحجزوا عند نفس الدكتور\

المهم هذا ملخص عن حالتي النفسية حاليا..

اما عن حالتي الصحية,,, فيسعدني اني اخبركم بعد ما مر ثلاث شهور خسرت 26 كيلو تقريبا

ولا بعد جسمي الحمدلله ماترهل مع اني كنت وايد خيفانه من هالموضوع.. تدرون شو السبب

لاني بعد ماكملت شهر من العملية اشتركت فالاكو "الايروبك فالماي" وصراحة نصحوني فيه

الدكاتره كلهم مع طبعا المشي ,, والحمدلله حتى الخطوط اللي فجسمي من المتن بدت تختفي

.. تدرووون بنات نفسيتي وايد تغيرت احين خاصه من ناحية ريلي,, يعني مابخبركم شو اللي تغير

بس انتو اعرفو شو هوه بالضبط ,,, تدرون على كثر ماكان خايف علي .. احين دايما يتغزل فيني

وخاصة لما لبست فستان يوم العيد "للعلم بس انا ماكنت احب ابرز جسمي قبل لانه كله طبقات

واحب البس وسيع " بس احين بعد ما بدت بطني تختفي صار اللبس احلى بوايد,,

بنات نصيحة مني لكل وحده متردده ,,, تتوكل على الله بعد ماتستخير وتجرب وسائل الرجيم الثانية

لانه العملية متعبه بس نتايجها ماعليها كلام.. وانا صراحة تعذبت لمدة شهرين كنت الماي ماقدر

اشربه,, بس الحمدلله احين اقدر اكل اي شي ماعدا اللحم القطع لانه يابس معدتي ماتستحمله ..

بس حتى الحلو اقدر اتذوقه ,, يعني اموري طيبه,,,

واللي تبي تسأل اي سوال انا حاضره,,,