شحآلكن خوآتي
بغيت اخذ آرآئكن في مووضوع قالت لي اياه ربيعتيه حليلهآ وايد مضايقه من اهل ريلها
هيه معرسه من سنه ونص وعندها بنوته صغيرونه ,, عندها غرفه بحمامها وغرفه ملابس
وممر عرضه مترين تقريبن ,, هيه مش مرتاحه من سالفه المطبخ ,,مطبخ اهل ريلها
بعيد عن قسمها شوي وبنتها بدت تاكل ولازم تسخن الاكل اواووالخ
ريلها حاطلها في غرفة الملابس ثلاجه بس ويايبلها مسخن مآي فقط لا غير!!
الموهيم الحرمه تستحي تربع المطبخ يوم بنتها تيووع الحين هييه عندها تقريبا مايقارب الـ1000 درهم وتبا تاخذ لها طاوله على قولتها وتبا تاخذ غاز كهربائي ومايكرويف وشغلات المطبخ
الاساسيات يعني تبا تسوي حق عمرها اي شي يوم تيووع مب كله من المطآعم
الموهيم الحين الحرمه محتاره وين تحط هالطاوله هل تحطها في الممر ..؟؟ او في غرفة الملآبس
بعطيكم وصف سريع لـ قسمها اول ماتفتحين الباب اييج ممر طويل اول باب ع اليمين الحمام عزكم الله وشوي تمشين بييج باب ثاني غرفه الملآبس وصغيرونه بس فيها الكبت وكبت بنتها ودروج والثلاجه وعقب اييج باب غرفه النوووووووم
وين تحط هالطآآآآآآآآوله ؟؟؟؟؟؟
والطاوله تاخذها خشب او سراميك او شو بظبط؟؟؟؟؟
والسموحه منكن انا الحمدالله ريلي مسويلي مطبخ تخضيري اللهم لك الحمد والشكر وانا من النوع الي مايستحي ااباا اي شي احدر المطبخ واسوي الي فخاطريه واكل وبث صح ولا لا
بس هيه وااااااايد تستحي !!
حبيبتي تاخذ طاوله وتحط فيها سخان وميكرويف بس اما انها تطبخ داخل هذا خطأ لانه قسمها بتخيس ريحته اساليني انا
والسموحه
المشاركة الأصلية كتبت بواسطة الضاميه 
والسموحه
مشكوره ختيه بخبرهآ وان شاء الله تقتنع
اب اب
اب اب
لشوووو المستحى بعد …هي من اهل البيت …يعني تشل الاكل تخزنه مثلا اكيد تاكل هي وبنتها ..شو المشكله ؟؟؟
تاخذ مايكرويف …وسخان وهالاشيا….
ولو اني ما انصحها بالمايكرووويف لانه فيه اضرار على المدى بعيد …
بس غاز و تطبخ …تبا تحرق قسمها …؟؟؟؟؟؟؟؟؟؟؟ ولا تفوح ريحه الاكل لان لازم شفاطه اكل
اختي بالعقل المطبخ مب بعيد عنها وايد …مب 1 كم …إلا هي كم من خطوه …وبتوصل …
وتحط لها شي تسخن فيه اكل بنتها ….العرب مب مانعينها من شي