السلام عليكم
انا متزوجة من سنتين و عندي ولد الحمدلله الموضوع هو : انا استحي البس قمصان نوم جدام ريلي بتقولون كملتي سنتين و بعدج تستحين ( هيه بعدي استحي ) مره لبست بس فصخته لإني م عرف كيف اطلع له ب هالبس!!!! و مره بعد اتجرأت و لبست يوم طلعت قلتله جوف شنو لابسه قاليي تعالي ارقدي زعلت منه قلتله ليش جيه قلت ؟ قال ليي كنت والله اتغشمر بعده م دش ف عقلي ان كان يتغشمر يمكن قلت عشان انا م عودته ب هالشي وله ؟؟؟؟ مرات أقوله انت تحب اني اكشخلك بليل وله قال هي بس قلتله ليش م تقولي عيل قال انا م احب اغصبج ع شي و انتي م ترتاحي ل هالشي لو هو قال ليي اكشخيه ليي بكشخ عادي بس من نفسي البس وجيه لا!!! حد مثلي وله بس انا بروحي جيه بلييز قولولي ش اسوي انا صغيره بالعمر و م عرف وايد عن هالسوالف !!!!
تمت الموافقة
الكلمة الطيبة صدقة
اختي البسي واكشخي بكل أنواع اللبس قصير طويل
ادري الوحدة تستحي ..انا بقولج عني كنت نفسج اول ما اطلع كاشخه ولابسة اختبص واحس الدنيا ادور …بندي الليت شوي شوي تتسهل الأمور لا تحاتين وتتعودين…. تيكت ايزي
عادي اختي الحياء زين
بس ماعليه شوي شوي بتعودين اصلا قمصان النوم مريحه بارده
ابدي شوي شوي ولاتسالين ريلج منو ما يبا حرمته تكشخ له
عادي اختي انا كنت البس واخش تحت اللحاف ومرات كنت احط ع عمري فوطه
انزين شو الفايده البس له واخر شي الف ع عمري فوطه خخخخخخخخخخ
شوي شوي بتتعودين .. حتى لو تعودتي حق هالشي يظل حياء بسيط وهالشي حلو
البسي له بدون لا يطلب واطلعي جدامه احلا .. شوي شوي بتتعودين
بالتوفيق
البسي كبداية قمصان نوم طويلة عند نعومي فيه قمصان طويلة وحلوة وبعدين شوي شوي البسي القمصان القصيرة وبتعودين مع الوقت
انا صارلي 5 سنين متزوجة بس للحين استحي البس قمصان نوم شفافة ولا مرة لبست هالنوع من القمصان
البسي فديتج ..وحطي فبالج انج تسوين هالشي فالحلال مب حراام ..وهذا حلالج حبيبتي وتؤجرين ع هالشي ..خليه يستانس ..صدقيني عقب بيلومج عقب وبيقولج انتي ماتلبسي لي ولا تكشخين يوم بيحس انج ماتلبسين ..
وترا باجر عيالج بيكبرون مابتحصلين فرصة تلبسين فيها لانهم يلاحظون ..
ودامه قالج البسي وتعالي ارقدي خلاص اعرفي انه ريلج يحب هالسوالف وياج فلاتحرمينه من الحلال الله يرضى عليج ..
ابدي شوي شوي صدقيني ترا كل ررياال يحب حرمته تلبس حقه وتكشخ يحس انه مهتمة فيه يعني اذا انتي مالبستي لريلج منو تبين يلبس له ؟؟.فكري فيها عدل
انتي حلاله .خذي الخبرة من الكبار فديتج وشلي عنج الحيا شو بعد استحي خلاص انتي الحين عندج منه ولد شو تم بعد تستحين منه الله يهديج خخخ (سواالف )..
انتي يعني اذا كلش تستحين اندرجي شوي شوي مرة طويل مرة لين الركبة وحبه حبة ..
الله يسعدكم