خواتي سبق وقلت لكم اني نزلت وزني ولله الحمد واللحين وزني 75 وباديه في الرجيم مره ثانيه بس مشكلتي اقدر اقاوم الاكل بجميع اصنافه ماعدا البفك والجبس مااقدر بالنسبه لي شى اساسى واحيانا يوم ابدى الرجيم اتم مضايقه لاني بنحرم منه مب عارفه شو اسوى ولما اروح اخذ اغراض لبيتي اول شى اخذه
انااكلمج واكل بفك
سبحان الله
والله يااختي انا ازحر كاكاو وبفك وجبس وحلاوه ومحطيه لي كرتون فيه كل انواع الكاكاوات
والثلاجه كل يوم تنترس مشروبات غازيه وعندي سله كبيره كلها بفك
وكل يوم اكل فيه لازاد وزني ولانقص
مع اني ابى ازيد وزني بس ليش الكاكاو مايزيد؟ ولااااااااا البفك يزيدني؟؟؟ غريبه كيف يزيدكم ؟؟
ان شاء الله انال مرادي وازيد مع الخلطه اللي استخدمها لاني احسها تبشر بخير
والله ينولج اللي بخاطرج يااااااااااااااااااااااااااااااارب
ماشاء الله تبارك الرحمن اختي راحت ايامك والله يرزقج ماتتمنين
اممممممم زييدي الرياضة وااايد ،،،
وكلي شوي،، ترى في شيبسات دهونها خفيفة شرات شيبس مسافي سعراته شوية وحلوو طعمة…
في سبينس كانوا يبيعون ششيبس قليل الدسم على قولة اهل الريجيمات،،، مسوينه بزيت زيتون وليمون وبطريقة صحية ،،
وبالتوفيق
انا الجبس والبفك كانت ولا زالت مشكلتي اموت على الاشياء المالحه … عشان جذه دوم ضغطي مرتفع …
اختي نصيحه لا تسيرين السوبرماركت الا تكونين شبعانه وماكله …
وسجلي اغراض البيت وحاولي تتقيدين باللي في الورقه … ولاتشترين بفك وجبس مدامه جدامج بتاكلين بس يوم يكون بعيد الوصول له صعب
استبدليه باشياء سعراتها اقل ,, في حالة انج ماترومين تستغنين وصدقيني بتتعودين على البدائل ..
وفي النهاية هذي صحتج وجسمج .. انتي الوحيده اللي تعرفين مصلحتج
هلا والله …
أنا عن نفسي مسوية نظام لكن ما أقدر اني ما آكل بس مب بطريقة الادمان وبصراحة وزني ولله الحمد ينزل….بس اذا انتي تحسين انج مدمنة على الاقل بدل ما تاكلين كل شوي حددي لج وقت في اليوم واخذي نوع واحد فقط لين ما يثبت الوزن … لأن الحرمان بشدة مب زين…
خففيه قد ماتقدرين
بس لاتحرمين نفسج