السلام عليكم والرحمه
بنات سيدات انا بقوللكم مشكلتي
واتمنى بجددددد ان حد يتفهم مشكلتي
ويساعدني برايه وتكون انسانه واعية وفاهمه
انا مشكلتي بالدراسه وبنفسي
انا دفعة وايد قديمة بجامعة الامارات
مادرست الا اول كم كورس ووقفت وااايد
ربيعاتي اللي دخلوا معاي خريجات وانا بعدني عالمتطلبات
انا وقفوني الحين عشان الايلس مايبته
وقالولي لو مايبته لين شهر 9 بنطرد نهائيا
انا قبل فتره امتحنت وماقدرت اكمله
حسيت بياس مو طبيعي وحسيت ان الدنيا مقفله بويهي
المهم انا قلت ان خلاص بشتغل وبودر الدراسه
ولقيت وظيفه وقريب ع اساس بتوظف وباخذ الليسن
مشكلتي اني بجد خاااااطري اخذ الشهادة واكمل دراستي
قبل ماكنت حاسه بقيمة الدراسه والشهادة وهالسوالف
والحين خاطري ارجع امتحن بس ماحس اني بعدي
خاص ان من زمان مب دارسه ومخي فاااارغ
هالايام كله فالبيت لادراسه ولا شغل ولاهم يحزنون
حلمي اني ارجع الجامعه واكمل دراستي
بتقولولي روحي امتحني ودرسي ورجعي الجامعه
بتحسونها سهله ومافيها اي مشاكل
بس احيان اقول اني مابي ارجع ليش اني متاخره
واخاف ان حد يتمصخر علي ويعق علي كلمة تضايقني
خاص اني حساسه وبسررررعه افقد الامل وانهدم
واحيان اقول شعلي منهم المهم ارجع واكمل
خاطري القى شي يساعدني بالامتحان واحس بالامل
او اني اشتغل واخذ الليسن واتم بدون شهادة طول عمري
للعلم انا عمري 21 وباقيلي يمكن ثلاث سنين بعد
يعني بتخرج باذن الله وانا 24 او 25 احس وايد جيه
حد يفهمني ويعتبرني اخته او حتى بنته
وياخذ بيدي ويساعدني ويقولي رايه
هالموضوع وااااايد تاعبني وماثر ع نفسيتي 
والف شكر
كملي دراسه وعطيني وظيفتج الي لقيتها
ههههههههه
عادي والله نص البنات متخرجات على 24 و 25 وانتي بعدج صغيره والعمر جدامج شدي حيلج وكملي وخذي التعليقات بروح رياضيه لا تستوين حساسه تيك ات ايزي وااايد بنات مثلج مب اول ولا اخر واحده وانج تكملين وعمرج 24 احسن من انج توصلين 30 وانتي على شهادة الثانويه
بعدج صغيرة وكملي درااستج وبعدين انا كان عندي ربيعات فالكلااس وصل عمرهن 30 وكانن مع بنات 18 سنه فعاادي
ربي يوفقج الغلااا
هلا عزيزتي
شوفي انا حاليا عمري 31 سنه واكمل دراستي فالجامعه والحمد لله لا فكرت الناس شو بتقول ولا شي ليش انتي بتدرسين حق نفسج وولا حق الناس انتبهي عنفسج ولا يهمج حد
المشكلـــه مش في الفشــل ,, المشكلــه في الانسحـــاب
اذا استسلمتــي واللــه مابتنجحيــن في حيــاتج,, لازم تعطين نفســج تشجيــع وتفــائلي بالخيــر,, لاتقولين برسب وماروم تفائلــو بالخير تجدوه,, وبعدين شعليج من كلام الناس الي ماوراه فايده,, ويااحبهم لشمـــاته,, عطيني نفســج اهدأأفج عشــان تحققينها,, وحته لو حققتيــها لاتوقفيــن عطي نفســج اهداف اكبـــر ,, وانتي قدهــا والله
موفقه
هلا حبيبتي كملي دراستج و توكلي ع الله
بسم الله حسستيني انج عيوز مكسرة
بعدج 21 سنة يعني في ريعاااااان شبابج بعدج صغغييرررة
ركزي عالشهادة حبيبتي ,., ترا العمر يمر ,, وغير يوم قابظة شهادة بايييدج بتعزج وكلام الناس لا يودي ولا اييب