كيف حالكن خواتي؟؟؟
ادري الموضوع يضحك.gif "12 (3)")
بس صدق تراها مشكلة…
بدخل بالموضوع
ابوي الله يبارك فيه اسمر و شعره غليظ و اجعد
و امي الله يخليها بيضا حلوة و شعرها اسود و ناعم ماشاء الله عليه
حتى ابوي حليو بس المشكلة بالشعر
و انا بنتهم المصونه ماخذة بياض امي و شعر ابوي
اللهم لا اعتراض
والله تعبت من شعري انتو اكيد تعرفون كيف شعر السمر
ما ينطرى ابدا
فظيييييييييييييييييييييييييييييييييييع
.gif "12 (100)")
شعري اجعد وايد وايد و ما يطول الا كل سنتين ملي واحد
لما استخدم التمليس يتم كمين شهر و بعدين ترجع القفة
استشوره و يستوي حلو و يسيح ع الكتف و اترسه زيت عشان يلمع و ما يخترب
بس من يجيسه شويت ماي ينكمش
الله لا يراويكم
و الله احيانا اقفط قدام ريلي.gif "13 (33)")
بس هو ولامرة قالي شي
و دايما يقول لي انا ما يهمني شكلج اهم شاي قلبج عشان كذه كان الموضوع عادي
بس من ربيت صار اللي حرق قلبي من الاحراج
قال لي: و انتي رايحة غرفة الولادة كان شعرج فظيع
بحكي لكم موقف واحد
من كثر الصريخ و الترفيس و التعب و انا رايحه اولد
قفط شهري على فوق
والله ما تصدقون كيف كان شكلي
ولا شعره على رقبتي
كله فوق كنه طربوش و لا تاج
والله انحرجت مع اني كنت تعبانه و لا لي بارض
و اقول لريلي روح البيت ييب لي لاستيك و لا شي هالمواقف ما ينفع فيها المشبك
.gif "44 (26)")
حتى الشمد كنت اربطه ع راسي عشان ينزِّل القفة و ما شي فايد
… خوال اصليين …
انتهى الموقف
و فيه مواقف وايدة
في الدوام ربيعاتي ما شاء الله عليهم ما بحسدهم
كلهم شعرهم ناعم و روعة
الله يبارك لهم فيه
وايد كنت انحرج لما يتكلمن عن الصبغات و التسريحات و يسألوني …
بس بعدين قلت ليش اتبرا من اصلي
هذا شعري و ما عليي من حد
و الله ما اعرف شو اسوي
اللي عندها خلطات للخوال تنعم الشعر تعطيني
اهم شي يكون خاص بالقفه بعد مو بالشعر المجعد بس
صار موقف يضحك
مرة وحدة قالت لي بقص شعرج وايد متقصف
عاد ان ذاك اليوم مستشورتنه و مخلتنه مثل الحرير عشان ما انحرج
الحبيبة هدت شعري و حطت عليه ماي اونه عشان تقصه عدل
….
والله
الله لا يراويكم
شعري من شاف الماي …
انتهى مفعول الاستشوار و قفط على فوق
الحرمة قامت تضحك و قصته عقب و من هذاك اليوم للحين ما طول…
ادري يمكن الموضوع عادي بالنسبة لبعضكن
بس بالنسبة لي موهيم وااااااااااااااااااايد
اللي تعرف تلميس دايم و زين تخبرني
على فكرة يوم عرسي سويت تلميس دايم وكان وايد حلو
و الصالون اللي سويت عندهم قالولي لا تستخدمي الشامبو كله بلسم
بس البلسم ما ينظف زين
و شعري وخم و طلعت منه ريحه ،
فقمت استخدم الشامبو مرة بالاسبوع بس عشان الريحة
و منها بدا يخف مفعول التلميس و رجعت حليمة لعادتها القديمة…
ساعدوني
اللي عندهم دوا زين لهالنوع من الشعر لا تبخل علينا
و اتمنى ما حد يفهمني غلط
خاصة الخوال
ادري بنا احنا وايد حساسين
الله يعينج الغلا
عاد انا شعري نعيم ولا يعه جبدي منه قسم بالله
لنه ما أروم احط فيه شبااصه خفيف واايد بعد
اختي الحرمه مش بجمالها بقلبهاا والله تقدر تكسب الريال
ما عليج عيشي حيااتج سوي طااااف
فديتج والله وااااايد صريحة
الغالية احمدي ربج بعد انج بيضا
أهم شي انه قلبج ابيض
والله العظيم حبيتج وصدق وصدق حسيت انج وااااايد طيبة
ربي يوفقج انشاءالله
ضحكتيني من الخاااااااااااااااااااااااااطر
هههههههههه
سمحيليه فديتج بس سالفة يوم ربيتي وريلج قالج صدق ظحكتني
اممم صدقيني حاسه بمعاناتج ومب هينه هالمشكله انا الحمد لله شعريه حلو وكل خواتي شعورهم حلوات اللهم وحده من خواتنا شعرها شوي ملفلف اممم مع انه مايخصونا الخوال بشي ولاحد شعره من عايلتنا كلها جييه بس مادري ياحليلها ليش جيه وهيه صغيره فاتخيلي انا من يومين مصبغه شعريه وطالع يجنن فا اشوف نظرات الحزن بعيونها والله تقطع قلبي ولاعارفه شو اسوي لها مع انه مب وايد ملفلف بس نحن شعورنا نعيمه وايد وهيه لا فاتحس بالفرق والله لو شي يخليه نعيييم جان سويته الها ولاشفت هاييج النظره بعيونها هيه الحين تقريبا عمرها13 ومن صغرها اتسشوره ولابعارفه شو الحل وياها
عيبتني جرأتج وكتابتج للموضوع وصراحتج وصياغت للموضع مش انج ماخذه الموقف بحساسيه اما عن التلميس الدائم ماظن انه فييييه طبيعي عقب فتره بيرد والسشوار يحرق الشعر وسالفة الخلطات وغيره احس انها ماتنفع الله المستعان
منصورية
هلا الغالية
شفتي بني ادم ما يعجبه شي
اللي شعرها ناعم ما عايبنها
و اللي شعرها ( ….) بعد ما عايبنها
غلاتي انا
تسلمين الغاليه
و حبج ربج ان شاء الله
يا بنت الحلال محد راضي بشعره
اللي ناعم تباه خشن و اللي ليف تباه حرير
و اللي أجعد تباه سايح
هاي خلقة رب العالمين عادي بالعكس خلج قوية
شو يعني الشعر بالنسبة لحلاة قلبج و روحج أصلا امبين من رمستج أنج وحدة فرفوشه
ما يخص الشعر
خلج منه و لا تفكرين به بالمرررررررررررررررة بعد
اصلا حلاج طاااااغيه ع كل شئ
و ف النهاية هاي خلقة رب العالمين بيضاء – سمرا- أدري بج بتقولين ان مب معترضة بس ابا حل
ما فيه غير
الباروووووووووووووووووكه
ميميه
تسلمين الغالية
الله يعين اختج
الحمد لله على كل حال
اميرة
تخيلي لو قاعدة ويا حد و طاحت الباروكة
شو بيكون موقفي
بس تخيلي
شكرا على الحل الحلو نوعا ما
انا بروح ارود ولدي يمكن يوعان بعدين برجع اكمل