مشكلتي الدعاء

عندي مشكلة تؤرقني!

ومسبب لي مشاكل!

وهي الدعاء على الناس

يعني مثلا في ناس صارت بيني وبينهم مشكلة من زمان وللحين الموضوع غايظني

لان الانسان له كرامه صح انا غلطانه واتحمل مسؤولية بس مب قادرة الا ادعي عليهم!

وانا عارفة انه غلط لان الموضوع صار مب دعوة مظلوم لا

بل دعوة مغيوظ وحنق شديد

{والكاظمين الغيظ والعافين عن الناس والله يحب المحسنين}

ومن ثلاث سنين للحين كل مااذكرهم ادعي على النازل والطالع

حتى اخرها حسيت ان دعائي نزل علي من فترة

مرة وانا قاعدة على الاب توب اتذكرتهم رحت دعيت دعاء عجيب غريب

راح والله الاب توب انحرق بيدي وللحين ماصلحته!

وصارت معاي مشكلة بس مااقدر الحين اقولها

ومرة حسيته تحقق على بعض الناس

مرات احس انه يوم ادعي على نفسي او غيري يتحقق ويوم ادعي لي او غيري مايتحقق! يمكن نصيب

مااعرف شو اسوي بنفسي!

انا اعرف ان الله مايظلم حد ومايستجيب اي دعوة والا كنا هلكنا من زمان سواء الداعي او المدعو عليه

بس ماحد يعرف كيف نصيبه و انا خلاص ضميري يعذبني مااعرف كيف اوقف هذي الحالة!

انا اعرف انه مايجوز بس خلاص يوم يفور دمي ماتحمل!

حسبي الله ونعم الوكيل

والحل في رأي أنج تزيحين هالعادة الشعورية وتحطين مكانها عادة جديدة
يعني كل ما تخطر على بالج المشكلة أو يخطرون على بالج هالناس على طول غيري الموجه
بدل ما تدعين عليهم أختاري ذكر معين وأذكري الله بهدوء وبشكل متواصل وأنتي مركزه مع الذكر

تمي قولي مثلاً :

لا إله إلا الله وحده لا شريك له له الملك وله الحمد وهو على كل شيء قدير
أو أستغفر الله أو الحمد لله أو لا حول ولا قوة إلا بالله أو أقري سورة قصيرة مثل الفاتحة
أنتي أختاري الذكر أو السورة اللي ترتاحين لها أكثر وتمي رددي بهدوء وتركيز في الكلمات
أو أختاري عمل تحبينه وأشغلي نفسج به كل ما يخطر الموضوع على بالج
مثل القراءة أو الطبخ أو نوع من الرياضة أو العبادة أو أي شي تحبينه <<
أنشغلي في العمل اللي تحبينه أكثر.

يختيـّـه تذكري انج اذا عفيتي عن كل النـّـآس الي غلطت علـيـج
بإذن الله كل من غلطتي عليه بيعفو عنـّـج ..

ويوم تذكرينهم قولي الله يهديهم

الدنيـآـ مآتسوى الوآحد يتم شـآل بـ خـآطرهـ .. ~

الله يرزقج القلب السليـّم الصـآفي .. ~

انا المشكلة اني اعرف اني جزء كبير من المشكلة بس مب قادرة يوم اتذكر الموضوع الا ادعي

يمكن زعلانه من الحالة مب منهم بس خلاص هم جزء من المشكلة

لي ثلاث سنوات يوميا اذكرهم وادعي

امي تقول خلاص استغفري ربك هذا الكلام من زمان المهم المستقبل والله يهديهم ويهديك وناس ماسوت لك شي! بالعكس انتي قاطعتي زعلت اخر شي

والله قابلت وحده منهم في السوق رحت تركت السوق كله!

ماتحمل شو اسوي مااعرف

حتى وحده منهم تحاول تتصل علي بس مارد بعثت لي مسج يوم راحت الحج تطلب المسامحة وقلت مسامحة بس يوم رجعت وتصلت علي ماااااارديت!

صح المسلم لا يقاطع اخوه المسلم اكثر من ثلاث ايام او ليالي بس انا يوم قاطعت ارتحت! ولاني اعرف انها بس تريد تسوي نفسها احسن مني بس مب عشان شي ثاني

هو مفروض يوم اتذكر ادعي لهم

يعني الله يهدي يارب

الله يوفقك يارب

بس مااريد ادعي لهم! ماتحمل حتى هذي

بس مافي غير شي واحد اقرا المعوذات واستغفر الله

رغم انه مافي شي كبير يعني شي يصير بين الناس كلها بس خلاص مب متحمله

وانا ماحب اشيل في قلبي على الناس بس خلاص كرهت حالتي وياهم وكرهتهم مع هذي الحالة

ومشكورة اختي سديم على الادعية

احب هذا الدعاء لا اله الا انت سبحانك اني كنت من الظالمين

انا المشكلة اعرف ان في حياتي اكيد غلطت على ناس يعني ماابرء نفسي سواء بقصد او بدونه

وناس غلطت علي سواء بقصد او بدونه

وهذا كله بيكون في حق نفسي اكيد

وهذا يصير عند كل انسان اتصور!

بس شو اسوي مادري

خلاص ماريد ارجع علاقات مع حد لاني ارتحت من القيل والقال وانتي وانا الحمد لله

ولكن شايله في قلبي بصورة مب طبيعية

اللهم ياحي ياقيوم أسألك بحاجة في داخل القلب وأنت أدري بها