السلام عليــــكم ورحمــة الله وبركـــــــــــاتهــ …
شحالكن خواتي العزيزات …
بدخل في الموضوع ع طول …
طبعا كلنا بشر ومهما بينا ان نحن اقوياء …في داخلنا ضعف محد يعلم به غير رب العالميــــــن …ومحد عايش مرتاح في حياتهــ ..كلن له مشااكله الخاصهــ ..سواء هل المشاكل كبيره او مجرد مشاحنات بسيطهــ …
بس بغيت اعرف ..ليش نحن ما نقدر ننسى الالم …ليش ما نقدر ننســــــــى الي صااار لنــــــــا من مشاكل …وصعب نسامح …بسبب جرح صابنا من اقرب الناس او ابعد الناس عنا ..ليش ؟
والله لو اشغل عمري في 100 شغله في اليوم …يوم احط راسي ع المخده اتذكر كل الي صاار لي من مشااكل …اتعب نفسيا …ودي بس انســــــى واعيش بلا تفكير في الهموم والجروح …اخاف اكبر وانا صغيره …والتفكير والهم يكبرني ..
خبروني عنكم …شو تسووون اذا ما قدرتو تنسوون شي صدق مأثر عليكم نفسيا ..
والله ثم والله احاول افكر في شي ثاني بس عشاان ارقد …بس صعبه …صعبه لانه الي اذوني اشوفهم ولانه الي صابني من اقرب الناس …ودي بس اسامحهم وارقد مرتاحه بس ما اقدر مب تكبر مني …لا بالعكس …بس لأنه الجرح كبير ..
ياريت الكل يشاركني بحل يمكن استفيد ونفيد غيرنا ..لانه هذا الشي مشترك وانا متأكده مليون بالميه انه في ناااس جذي …
والسموحه اذا طولت عليكم
والله كلنا نفسج بس تمي استغفري لين ماترقدين
والله امستعان..
انا بضبط نفس مشكلتك افكرررر كثير بالناس اللي جرحوني مو حقد لا بس ماقدرت انسى جروحهم ..
انا نفس حالتج هب قادرة انسى جرح بعض الناس لي واللي اعتبره اقرب قريب لي بس شو نسوي !! انا هب قاااااادرة انسىىى ولا قادرة اسامح شي مب بايدي شو اسوي ؟؟ ماشي حل صدقيني وقضاج بتاخذينه بالدنيا قبل الاخرة …!! حسبي الله عليها من دنيا حتى النوم ماصرنا نتهنى فيه
الله المستعان
بالنهار نشغل عماترنا باي شي
لكن حزة الرقاد كل شي يطر ع بالنا
حسبي الله عليه من ابليس هب مخلنا نرتاح
والله اني قمت اصلي ركعتين والشفع والوتر واقرا لي سورة من القران وعقب استغفر وانا منسدحة الين ارقد
والحمدلله ع كل حال
مشكورات خواتي ع المرور الطيب …
بس بغيت اعرف شي اذكار او ادعيه تخلينا ننسى او تخفف عنا هل الشي ؟؟؟
غير اذكار النوم ..انا اقرى قبل النوم قرآن في قلبي طبعا ..الفاتحه والمعوذات وتبارك ..
بس بعد احس انه نحتاج لدعاء معين ندعي به قبل النوم وبعد النوم …
المشاركة الأصلية كتبت بواسطة A+k 
والله المستعان..
وأنا بعد كنت مثلج بس الحمدلله يوم أرقد أستغفر وأذكري ربي أرتاح
لاتفكريينن وايد بمواضيع تضايجج
