السلام عليكم ورحمة الله وبركاته .
تحية طيبة و بعد .
خواتي العزيزات بنات حريم ……..الخ
عندنا مشكلة كبيرة في المنتدى بصراحة أنا أشوف المشرفات و الأداريات كم يتعبون عشان المنتدى يكون مميز وراقي وغير عن باقي المنتديات ونحن بدورنا لازم نتعاون معاهم لأن كلنا هدفنا واحد أكيد بيهمنا هالمنتدى اللي أخترناه من باقي المنتديات كلها ان لازم نحافظ على سمعته ورقيه ونبعد هالنفوس الضعيفة اللي ماعرف شو أسميهم وما عرف شو أهدافهم .
نحن بدورنا لازم ما نكتب في أي قسم أي كلام أو كلام ماله معنى أو فايدة . لاحظت و استغربت من بنات أو حريم واااااايد ياخذون راحتهم في الكتابة ولا كأنه في ناس تدخل المنتدى وتقرا من كل مكان وبلاد من رجل و امرأة و مراهق وغيره فليش نكتب عن الأشياء اللي تصير بالتفصيل وعن غرف النوم والليالي الرومنسية حطي في بالج كم شخص يقرا هالكلام و بصراحة هذي حرمة بيتج بغض النظر عن ان هويتج مجهولة هذا مب معناه ان تاخذين راحتج في الكتابة لازم شوي نكون لبقين في كتابتنا اللي تكتب هالكلام ما تعلم انها تحصل ذنب يوم مثلا شاب يقرا كلامها ما تعلمين شو ممكن يدور في خاطره أقلها بيشترك في المنتدى على انه بنت وشوفي المشاكل والسب والأشياء اللي بنوصلها .
خلينا عالأقل نحترم نفسنا ونكتب أسئلة نفس الناس عشان ما نكون تافهين .
سامحوني على هالكلام أنا و الله اللي ضايقني يوم قريت كلام المشرفة من كلامها حسيت انها وااااايد مضايجة عالأقل ما ننسى جمايل هالمنتدى كل وحدة يالسة تستفيد اللي تبيع واللي يحلولها مشكلتها واللي ينعتولها على محل ووووووووووووو.
أخيرا آسفه من قلبي اذا زعلت حد وتراني ماقصد حد معين والله أنا تكلمت بشكل عام .
واسمحولي عالأطالة .
كلامج صح 100%
العتب عالي يرد
الله يهديهم وجزاج الله الف خير
صدقتي أختى في الكلاام ^^
الله يوفقج في دنيااج أن شالله ,,,
فيض من غيض….
الغاليه تدرين شو المشكله مرااات الواحد يوم يشوووف وحده ادلع ريلها جيه…وتكتب عن خصوصياتها..
والله ثم والله انه عااااادي يشااارك بالمنتدى بس عسب يتقرب من هالانسااااااانه…وبعدهاااا خلالالاص اذا
وصلت السالفه للفووووون…بتصير مشاكل ويمكن طلالالالالالالالالاق…طبعا على اساس انه وحده …
المفرووض الوحده تحترم ان في شخص بحياتها..نحن ماراح ننفعها بشي…والله لكن سمعت ريلها شو بتسوي بها
اذا عرف..او شاااف هالشي…يمكن حد من الاهل يشوووف غرفته..او اغراااضه ويعرفها ويخبره…
وبعدها طااااااااح الفاااس بالراااااااااااس…والله يا الغاليات محد بينفعكن لوووو نمدح غرفكم وهداياكن لرياييلكن
وبعدها خرااااااااااااب بيوووت..خلالالاص..بدل الدموووووع دم…!!!!!!!!!!!!!!!!!!!
وانا متأكده مهما نقول ونعيد ونزيد بهالموضوع …لا حياااااة لمن تنااادي..!!!
انا وياج الغاليه ……… كلامج صحيح 100%……… شي فرق بين الكلام اللبق والكلام الرخيص…
يعني ممكن ترمس عن هالسوالف بطريقة ذكية جدا …….. وماتثير الناس ……. وغير هذا …… اتكون كلمات المستخدمة جدا راقية وغير مبتذله …….
تسلمين ع طرح الموضوع الي في غاية الاهميه….
خواتي الغاليات اللي يوافقوني رايي أنا والله يشهد علي اني من زمان بغيت أكتب هالموضوع بس قلت يمكن العضوات يزعلون يقولون هذي شولها ليش تدخل بس بعد اللي اليوم صار بصراحة ما ترددت وما كتبت الموضوع حق دعاية لا والله أو حق أتريه كلمة شكر كتبته عشان كل وحدة تكتب رايها في هالموضوع و بالتالي الكل يستفيد .
وشكرا من قلبي على ردودكم والله يوفقكم .