محتاره وماعرف شو اسوي
الحين انا يالسه على اللاب توب لو بسند ظهري شوي يعني نص سدحه أحس بويع في خاصرتي
انا اراجع عند دكتور كلى لأني في حملي الأولي صارت عندي مشكله
كان ايني ألم في خاصرتي يوم ارقد بس وكان واااايد قوي وتعبت منه
وعلى الفحوصات طلع عندي البيبي ضاغط على الحالب ومسوي توسع في حوض الكلى
وخذت المضاد مرتين في حملي الاولي
المهم في حملي هذا وهو الحمل الثاني نفس المشكله مع اني ماكنت احس بآلام بس في التصوير يبان التوسع وقالي الدكتور هالمشكله بتتكرر معاج في كل حمل لأنه الهرمون عندج يخلي الكلى كسولة وماتشتغل زين
المهم انا يوم راجعت عند الدكتور قلتله احس بويع مرات قال يمكن من أعصاب الظهر
لكن انا احس انه من الكلى
ويوم خازت عني الويع كانت عندي مراجعه وقالتلي الدكتور عندج التهاب وصديد في البول
قلت سبحان الله يوم كان يعورني قلتولي مافيج شي ويوم راح الالم طلع الالتهاب
المهم كلت المضاد لكن من بعد ماخلصته بيومين رديت احس بالالم يوم اسند ظهري
الغريبه اني ماحس بهذا الألم إلا اذا كنت في هالوضعيه مادري ليش
واذا اعتدلت يروح !!!!
الدكتور قالي اذا ياج ألم قوي ولا حمى لازم تين على قسم الطواري
محتاره اروح المستشفى ولا أطنش ؟!؟!
أخاف اروح ويقولولي أعصاب الظهر وشي طبيعي ويفشلوني
وأخاف أهمل وتستويلي مشكله كبيره … عاد كله ولا الكلى ماتنهمل
لأني كرمتوا ما اسير الحمام وايد مثل الحوامل يعني من ارقد ما انش لين الصبح يعني اكمل 5 ولا 6 ساعات بدون ما اسير الحمام وانتن الحوامل تعرفن انه الحامل كل ساعه في الحمام
احترت ماعرف شو اسوي
أطنش ولا اروح المستشفى
ربي يعافيج ان شاءالله ويتمم حملج على خير
انا بعد اعاني من الكلى في حملي…و مستحملة لانه ما بيدهم شي ايسونه..تمي متابعة ويا الدكتور مالج انا هاجة مسوية ..و لا تهملين شي..انا بعد على السابع اتعب اكثر ..و حاولي ترقدين على وضعية تريحج..انا ساعات ارقد و تقريبا شبه يالسة لانه الطيحة تعورلي الكلى و ويعها ايكون ورى في الظهر
مأجوووووووووووووورين انشاءالله
شكلي جيه بسوي لانه مافي حل شهرين ونص وبربي
الله يعينج ويشفيج ياربي
معلي هذا اللي الله كاتبنه وتحملي ولج الاجر فديتج
كلها شهرين وبتفتكينان شاء الله
عقب سيري عاالجي الكله لو قدرتي
سموحه ماعرف افييدج
وان شا ء الله خير
ما تشوفين شر اختي انا بعد نفس حالتج
سرت الطواري ضربوني ابرتين ف الوريد وارتحت
وبعد احس بالالم عطوني مضاد وقالي الدكتور كثري من الماي
انا معاكن نفس الحاله
بس انا ترقدت لان ياني ويع فضيع ونزفت وانا فالشهر الخامس وكنت تحتالملاحظه فتره طويله وكنت اصيح كل ليله من الويع اذا ما عطوني ابره مسكن وانا قي نفس الحاله الحين ومتحمله لي اربي وانا الحين فالشهر السابع .