مرحبا خواتي..
بليز بغيت أعرف منو فيكن جربت تركب لولب في هالمستشفى؟ يا ريت تخبروني عن تجاربكن..و عن الدكتورة اللي تعاملتن معاها.. أو اذا تنصحوني بحد معين و نوع لولب معين سواء فنفس المستشفى أو غيره في العين
شوفي الغالية اللي كانت قبل في المستشفى دكتورة يمينه وانتقلت الى عيادة السلطان ما عليها كلام ركبت عندها اللولب الهرموني اول مرة في المستشفى وتم سنتين وخلالها انقطعت الدورة والمرة الثانية في المستشفى عند الدكتورة نازك وتم سنتين بعد بس تبين الصراحه احس جسمي انهد يعني اربع سنين غير عن الحمال بدون دورة واللحين ما افكر اني اركبه مرة ثانيه وان شاء الله خير
مشكورة اختي عالرد 
و اتريا تجارب الغير و يا ريت لو تخبرونا عن تجاربكم بالنسبة عن اللولب العادي
هلا اختى احسنلج تروحى عند رخاء الكيلانى الكل يمدحها روووعه ربيعتى ركبت لولب عندها وتقولى ما شالله على ايدها خفيفه وتذكر الله فى كل شى والله يسهلج ان شالله
وعن الولب العادى والولب اللهرمونى اذا انتى ما تبين اعيال لمده طويله ركبى الهرمونى بس الهرمونى وااايد ينفخ والدوره تنقطع عنج ما تيج الاكل شهرين او 3 هذا بحسب الى يناسب جسمها
وموفقه الغاليه
فديتج بنت زايد أنا أفكر اركب العادي فشو رايج؟ و ممكن أعرف وين مكان هالدكتورة؟ يزاج الله خير
عندج دكتوره غزل وايد زينه بس لازم اتروحين الها وفيج الدوره..
مرحبا ختيه انا ركبت اللولب العادي عند الدكتوره رخاء الكيلاني واسم عيادتها
على اسمها اظن بس بصراحه تعبت منه لان الدوره كانت اتييني مرتين في الشهر اول فتره وعقب مره في
الشهر بس 10 ايام وبعدين اخر شي قامت اتكمل اسبوع بس قبل لا اكمل سنتين بكم شهر وشليته عقب ما كملت
سنتين لانيه ضقت من الدوره والخربطه اللي يتني بس هب كل الحريم نفس الشي حد ياثر فيه اللولب وحد لا
وربي يكتب لج اللي فيه الخير