مدرسة الامارات الوطنيه بالعين . بليييييييييييز

اخواتي انا عندي ولد فالـ kg 1

في مدرسه خاصه ودوم كل ماأسأل المدرسات عنه يقولن لي والله ولدج مايتكلم والله مب حركي فالفصل

كسول جدا حتى لما نقوله اكتب شي عالسبوره بالعافيه يوصل للسبوره …. الخ

وولدي فالبيت عكس تماما حركي ومايقر ابد ماشاء الله عليه وملسون بعد يعني اللي يشوفه فالبيت مايقول اهو نفس الولد فالمدرسه

بس المشكله ان ولدي خجول من الاغراب وااااااااااااااااااااايد يعني احد مايعرفه مب من الاهل

مارح ينذمج معاه الا بالعافيه …

وحسيت المدرسه اللي فيها ولدي ماحاولت انها تهتم لشخصية ولدي او تفك هالعقده اللي فيه يعني راحت سنه كامله بدون مايسولف ويا اي حد من ربعه فالصف او المدرسات

صح تعلم بعض الشغلات الحلوه بس اذا ماكن اجتماعي شو الفايده من كل هذا

يعني اللي تعرف اي احد فالامارات الوطنيه بلييييييييز ابي اعرف هالنقطه بالذات

كيف يتصرفون ويا تلاميذ مثل ولدي ؟؟؟ هل هم يطنشونهم مثل المدرسه اللي فيها ولدي ولا يحاولون يفكون عقدته اول ؟؟؟

اتمنى الرد منكم

وسوري طولت

والنوم ولدي ينام احيانا قبل اذان العشا يا 7 ونص يا 8 ان طول ويكون مصحصح يوم البسه ملابسه ومستانس

وبعد من النوع اللي يموووووووت عالمدرسه يحبها حيل بس مادري العله من وين

انا ولدي كان جيه و للحين فيه شوية بس الحمد لله كل مدرساته يقولون انه قام يشارك و يجاوب ويانا .. و تلوينة و شغلة ويا ربعه وايد احسن عن قبل ..

kg1 , kg2

الصراااحه جنج تووصفين شخصية بنتي

ما شاء الله شااطره بس المشكله مااتكلم في الصف الا اذا سالتها المعلمه

كانت ادرسها مس كااثرينا والحين طااهره ومدرسات العربي يقووولن نفس الكلام تقوم المدرسه اول ما سالها السوال اقوول مستحيل اجااوب بي البنت اتجااوب واتفاااجا ان البنت شااطره بس وااايد هااديه يعني الي يشووفها يقووول كسلااانه بس البنت ذكيه من كلام المدرسات عنها لكن بدوون مشااركه منها بنفسها

بس على قولتج اخت بيرلا لازم المعلمه يكون لها دور ولو انه ولدي بعد يقهر بالهدوء اللي بالمدرسه

بس الله يهديه يارب ويتغير