مدرسات اللغة الإنجليزية للصف الخامس ضرووووووووووي تفضلوا

هذي أول سنة أدرس صف خامس وأحب أعرف

الوحدة التاسعه في الكتاب محذوفة ولا لأ؟

لأني لما سألت زميلتي .. قالت

إن الموجهة قالت لها الوحدة مب محذوفة … و هي درستها

و بعدين اكتشفت إن في تعميم وصل من الوزارة إن الوحدة التاسعه محذوفة

امحق موجهة صراحة ما تعرف السالفه و ما تعرف شو محذوف و شو مب محذوف خخخخخخخخخ

عسب جيه قلت ما فيني استفسر منها و هي بروحها ما تعرف…!!!

المهم .. اللي درست قبل صف خامس أو تدرس حاليا صف خامس ..

ياليت تفيدنا و تخبرني الوحدة التاسعه محذوفة و لا مب محذوفة ؟؟

===

الجزء الثاني من الموضوع ..

هل أنا سريعه؟؟؟؟!!!!

بصراحة أنا خلصت الوحدة السادسه مع الأولاد..

و زميلاتي يقولون انتي ليش تركضين في المنهج؟

هالشي يضايقني !!

لأني أحس أوفي و أكفي بالمنهج يعني ما يتم شي ما اعطي الطلاب

كل شي بخاطري اطلعه و درجاتهم الحمدلله وايد أوكي

بس زميلاتي يقولون كيف خلصتي الوحدة السادسه؟؟؟ يقولون انتي تمشين بسرعه

المشكلة ترى الوحدة السادسه بعدها الوحدة السابعه وا لثامنة و التاسعه إن ما كانت محذوفة

فأحس إن جيه اوكي ؟؟؟ و لا شو رايكم؟

و اللي تدرس صف خامس ياليت تخبرني هي وصلت أي وحدة ؟

و هل أنا فعلا سريعه ؟

لأني لاحظت ع نفسي إن فعلا أمشي بسرعه و باجر بدخل الوحدة السابعه إن شالله

اممممم مادري .. اشوف ردودكم إن شالله ونفيد بعض

و ع فكرة .. أنا مرتبة وقتي و لله الحمد و شديده مع الطلاب يعني مافي و لا دقيقة تضيع من حصتي بلا هدف.. "هذا من فضــــــــــــل ربــــــــــي"

—

و اسمحولي طولت عليكم

بالنسبة للوحدة التاسعه اتطلعت ع اوراق امتحانات السنوات الماضية و أبد أبد أبد ما فيها شي محتواه الوحدة التاسعه

أنا قلت أبي أستفيد منكم لأن بصراحة ما احب ارمس الموجهة لأسباب خاصة 🙁 الله يهديها

ياليت تفيدوني

و مشكورين كلكم قلتوا إني ماشية صح

الحمدلله رب العالمين