محتاره وضايقة ؟؟؟؟؟؟

خواتي بدخل في الموضوع طوالي .

تقريبا من 3 شهور انخطبت بنت اخو ريلي .

وطبعا انا ماعرفت الا من الغرب يعني بالمعنى الاصح محد عزمنا لا انا ولا ريلي ولا حد عبرنا ماجنه ريلي عمها لين وقت توزيع البطايق للعرس .

(( ))

مع انه ما شي بيني وبينهم الا كل خير.

واليوم مرت علي حرمت اخو زوجي عشان تعزمني على العرس.

لا واستسمحت مني وباستني على راسي وقالت انه ماعندم وقت وكل شي صار بسرعه.

واليوم تعزمني وماشي باقي على العرس الا 4 ايام يعني حالي حال الغريب .

لا وطلبت مني احضر العرس .

ونا بصراحه حاز في خاطري اسير لانه حريم اخوان ريلي كلهم مفصلين وحاجزين الا انا على ويهي.

واحس انه اذا سرت بكون مطنزه ورزه .

والله وانا الموضوع وايد حاز في خاطري وصدق الدمعه نازله من عيني :1 (36):

وياريت اعرف رايكم في الموضوع ولو حد منكم مكاني شوه بسوي….

احنا كلنا صارت معانا اشياء كثيرة نشل فخاطرنا اول شي وبعدين عادي ولا كأنه صار شي

وبعدين انتي ما فكرتي في الناس يوم يتكونين مب حاضرة العرس شو بيقولون عنج

هم ما يعرفون السالفة …
فما عليج توكلي على الله وسيري وعن سالفة انج ما فصلتي خذي لج فستان جاهز او استأجري لج و من باجر حجزي في صالون حنا ومكياج

وخلي الحياة حلوه ولا كأن صار شي

واسمحيلي لأني طولت في الرد عليج

بس والله راسي داير

في هالاربع ايام وين بلاقي ملابس لي ولبناتي

احس انه ما في وقت بالمره