السلام عليكم ورحمة الله وبركاته
شخباركم خواتي ؟ ان شاء الله اموركم طيبه ؟
خواتي انا موظفه و مب معرسه و و ظيفتي اداريه
تحويل مكالمات و فاكسات و احيانا استقبال
اليوم زقرني مديري وقال لي مدير القسم الفلاني يباج تكونين سكرتيرته
وراتبج بيكون اكثر وسالته هل افضل اني اروح هناك قال لي ليش لاء و قريدج بيكون اكثر ب 2
بنات ما اعرف هل شغل السكرتاريه افضل من شغلتي هاي ؟
وبعدين هل حلوه اني اكون سكرتيره بحكم اني بنت ؟
صليت استخاره و اعرف مب من اولها يبين كل شي
بس مادري الحين قمت اوسوس و خايفه اشوي
مع اني حمدت ربي وشكرته ع هالنعمه
لان حالتنا الماديه اشوي صعبه و مصروفي يبقالي تقريبا 600
بس خايفه اني افشل ف هالشغله ويشوفوني اني مب قدها ويفنشوني اخر شي ههههه
لازم ارد ع مديري باجر
شاورن علي خواتي و لا تبخلون علي ولو بدعوه صادقه
وعسى ربي يوفقكم وييسر اموركم ويرزقكم من حيث لا تحتسبون
حبيبتي انا انصحج توافقين لان الفرصه يتج خلاص لا تردينها و توكلي على الله .. الله يوفقج وييسر امورج ويرزقج اللي ف بالج .. موفقه الغاليه
ربي يتمممهاا لج على خير
فوووووووووووووووووووووووق
طبعن هيه
ربي يوفقج اختي واستخيري مرة واثنين و3 والله بيقدم لج الي فيه الخير
حبوبة شغل السكرتارية وايددد مطلوب وبتأخذي خبرة تنفعك لو لقيتي فرصة أكبر أستخيري وتوكلي علي الله
الله يوفقك بكل خطواتك