متى بشوف طعم السعادة ؟؟؟؟؟؟

انا صدق اكتب وانا منهارة ماعرف شقول من كثر ما اقرا في هالقسم صرت ارتاح نفسيا اذا شفت حد يعاني وحاولت اخفف من معاناته بس معاناتي انا منو بيخففها عاد احين طفح الكيل تعبت مب قاناردة اتحمل اكثر احس اني بنفجر وابا اشرد من الجو اللي عايشة فيه وبين الناس اللي ما ترحم وقلوبها سودة وترتاح اذا شافت حد يتالم اسمحولي خواتي ابا افضفض واعبر ما لقيت مكان ثاني الجأ له غيركم
لعل وعسى القى كلام يريحني ويشجعني اني استمر ..

بخبركم السالفة انا عندي اخوان من ابوي والله العظيم اكره اقول انهم اخوان قسم بالله العدوو ارحم منهم يمكن امس فليل سمعت الباب يدق بقو وانا قمت وقلبي مقبووووض قلت يالله عسى خييير ويلس قلبي يدق بسرعة ماعرف جني حاسة انه بيصير شي الا واشووف اخوي من ابوي ياي وهو معصب قول شوي وبيجتلنا وانا ولا ادري عن السالفة ويلست اراقب لين ما راح وكانت تقريبا الساعة 2 فليل وسرت وكملت رقادي قلت الصبح بتخبر عن الموضوع وعاد سرت الجامعة الا عالساعة 2 الظهر وانا عندي كلاس ومستانسة وعندي برزنتيشن ومزهبة عمري ودقت اختي تقولي صارت مصيبة حسيت انه قلبي انقبض بالقو ومب قادرة اتنفس من الخوف وقالتلي لحقي اخوج النذل شاف واحد واقف برع البيت يتحراه طالع من عندنا وجان انصدم وتجمدت في مكاني لهدرجة مب واثقين فينا والله ادري انهم يكرهونا لانه نحن يالسين ع جبدوهم وماخذين نص الورث بس مالهم حق يتهمونا جي قسم الله بدون لا ادري دموعي نزلن ويلست اصيح جدام ربيعاتي وهن متخوفات عليه يتحرون شي صار في بيتنا وقالوا زخينا الريال وسجناه نحن شولنا خص شارع عام اي حد يخطف فيه لا يكون بعد شارع ابونا اونه احين بني البيت وبنوديكن المخفر حسب نتاكد اذا تعرفونه ولا لا يا ناس ادري انه ماعندنا ابو ومالنا اخو نلجا له بس الله فوق ويدري انه نحن مظلومين وتميت اصيح واختي من الصوب الثاني تصيح تقول انا خايفة منهم ماعرف شو بيسوون فينا مالنا غير الله عزوجل اللي يطالع كل شي وعارف الحقيقة ورديت البيت ويلسوا يقولون كلام الواحد يستحي يطريه انا ابا اعرف وينهم عنا قبل يوم كنا محتايين لسند ومحتايين لاشياء ليش اذا السالفة ع يت عالمشاكل اجتمعوا علينا ليش ليش ؟؟؟ واتهمونا واتهموا اماية وقالوا كلام خايس يا ناس تمنيت الارض تنشق وتبلعنا وخواتي الصغار يصيحون وخايفين وانا رديت قد ما اقدر بس بعد انا بنت والبنت اتم ضعيفة جدام الرياييل وسكت وتحملت ولكن رديت بكل ما اقدر عليه ..

خواتي صدق انا تعبانة لين متى بتحمل اذا هايييل اهل لو اتم يتيمة احسن لي ماباهم مابا اجابلهم
ابا حد يريحني ابا احس بطعم السعادة !_!

في لحظة دعيت عليهم من الخاطر عسى رب العالمين ينتقم منهم

والسموحة عالقصووور