أنا عيالي ما يحبون الحليب البودرة من يكملون سنة خلاص يشربون حليب المراعي الفريش ولدي الكبير يحب النيدو العادي يوم يبا أسويله وبس اذا عيالج يحبون الحليب البودرة خلاص لا تقطعينه مول عنهم لان الحليب زين للنمو حتى لعمر 7 وفوق
انا الصراحه بنتي بتكمل 4 سنين وبعدني اعطيها الحليب وما احس ان يضر حتى لو طولت بس طبعا مره فاليوم عشان ما ياثر على اكلهم
عقب السنه حليب عادي
انا بعد اتساءل ..
بنتي عمرها سنة و سبع شهور .. اعطيها حليب ( اس 26 )
و مكتوب عليه انه هوه ينفع ل 3 سنوات .. انا فالبدايه قلت عادي عندي بعطيها لل 3 سنوات .. لانه اكيد فيه اشياء تنفع الياهل بس ما بكثر وايد ..
و بنتي تشرب حليب فرش عادي يعني .. اصب لها فمرضعه او كوب و تشربه عادي
بس .. انا ابا اقطع عادة الرضاعه بالمرضعه .. يعني ناوية اعطيها الحليب بس مب فمرضعه .. فكوب
بس لانها بعدها ما تتحكم بمسكة الكوب عدل و توصخ لي المكان .. بتريا عليها شوية لين اقدر اتحكم بتصرفاتها و بخليها تودر المرضعه و بعطيها بالكوب ..
وايد تفلسفت .. 
أحس حسب الياهل أنا ولدي عمره 3ونص..ما تقبل الحليب الطازج مال المراعي ولا حليب السعودية….بعدني أعطيه حليب بودرة سيميلاك رقم 3,حتى جربت وياه مال الكبار رقم 4 ما تقبل طعمه,رديت على 3.
حبوبة بعد السنة البيبي عادي يشرب حليب مراعي أو العين،،
فعودي البيبي ع هالحليب،،، لأن لازم يشربون الحليب دائما لأن وايد مفيد حق العظام