خواتي العزيزات،،،
اذا لا قدر الله طاحت الفاس في الراس ، برأيك شو هي افضل طريقة يوصل فيها الزوج الخبر لزوجتة الأولى؟
وبالنسبة لج:
كيف بتكون ردة فعلك؟
و إذا تطلقتي هل بتفكرين بالزواج مرة ثانية؟
شاركوني الرأي
الافضل يقولها قبل ينوي العرس
الصراحه تنجي الانسان
انا ماضرب ع نفسي المثال ماحب الضيجه ليش ايبها لعمري
بس سبحان الله الحريم اغلبيتهم يزعلون وكلها كم شهر وتنسى وكان شي لم يكن
وحده اعرفها ريلها عرس عليها قامت وكسرت الدنيا وعقبها اقل من سنه حملت طبعا منه ونست السالفه
بس ذكيه يابت له ياهل عقب فتره طويله مع عندها ٩
بس الظاهر سياسه ترجع زوجها
وماشوف فيها شي لو للريال بيعرس من حقه بس مو من حقه يدس الموضوع عقب يسويلها افتح ياسمسم
المشاركة الأصلية كتبت بواسطة ام احلى بنات 
اذا لا قدر الله طاحت الفاس في الراس ، برأيك شو هي افضل طريقة يوصل فيها الزوج الخبر لزوجتة الأولى؟ الصرااااحه طبعا
وبالنسبة لج:
كيف بتكون ردة فعلك؟ بعيش حيااتي مثل ماهو يعيشها بس ما بتطلق عشان عيالي مايصبرون عنه ولا هو يصبرر عنهم ليله وحده مايعرف يرقد بدونهم ف مايخصهم عيالي اعاقبه فيهم .
و إذا تطلقتي هل بتفكرين بالزواج مرة ثانية؟ مافكرر ابداااا
شاركوني الرأي
اي ريال يعرف زوجته ويعرف شو يرضيها؟
أما عني اذا لا قدر الله وكان لسبب عقم او مرض او بنت عرب ودين ويبي يستر عليها بعصب لكن ما ابي اشوفها وبعيش حياتي لانها بالنسبة لي شخص مب موجود لاني ما اشوفها ولا احتك فيها هي بحالها وانا بحالي
لكن اذا وحده محصلنها في مقهى او عايش وياها قصة حب وخرابيط اهله اللي هم امه وابوه بيرفضونها قبل لا حتى ارمس والحمدالله بعيش حياتي مع عيالي قلبي سكنه شخص واحد وما احترمه فالله يوفقه لكن مستحيل اتقبل لانه هذي النوعية من الحريم ما خافوا من الله فكيف بيعدل
ماروم اعلق فهالامور
اتعب نفسيا
الله لا اييب هاليوم لأي متزوجه
بالتوفيق
المشاركة الأصلية كتبت بواسطة ام قلبين انا الصراحه تنجي الانسان
انا ماضرب ع نفسي المثال ماحب الضيجه ليش ايبها لعمري
بس سبحان الله الحريم اغلبيتهم يزعلون وكلها كم شهر وتنسى وكان شي لم يكن
وحده اعرفها ريلها عرس عليها قامت وكسرت الدنيا وعقبها اقل من سنه حملت طبعا منه ونست السالفه
بس ذكيه يابت له ياهل عقب فتره طويله مع عندها ٩
بس الظاهر سياسه ترجع زوجها
وماشوف فيها شي لو للريال بيعرس من حقه بس مو من حقه يدس الموضوع عقب يسويلها افتح ياسمسم
رايي من رايك
المفروض يخبرها قبل لان من حقها تعرف مسبقا مو يصدمها ويحطها امام الامر الواقع
هو من حقه يتزوج براحته لكن من حقها تعرف
وتختار البقاء او الرحيل والطلاق
والأخذ في الاعتبار مشاعر الزوجة الأولى .. والدواعي لغضبها وألمها .. لا ننكر الشرع .. لكن لا ننكر الجرح ..
صرنا بوقت قلوب الرجال صارت فنادق و ابراج بعد
الأفضل طبعا يخبرها قبل انه عنده نيه للزواج .. علشان ما تنصدم الحرمه
الصراحه اي وحده صار لها هالموقف بتزعل وبتتضايق وبتروح بيت أهلها فتره ..
وطبعا ما تطلب الطلاق علشان نفسها وعيالها و زوجها بعد .. الشرع ترى محلل له بدل الوحده أربع بشرط العدل بينهم .. المفروض قبل ما تسوي اي شي تفكر باللي سواه زوجها لها والأيام الحلوه اللي كانت بينهم والعشره بعد ما تهون ..