ما عندي مشكله الحمد لله :) ولكن

عساكم بخير
انا الحمد لله ما عندي أي مشكله مع أي انسانه ولا مع اي شخص
الحمد لله لا فالشغل ولا في الحياة ولا فالناس
ومب متضايقة اني كبرت وعمري صار 28 سنة ولين الحين ما عرست عاااااااااااااااادي
الحياة حلوه أحاول قد ما أقدر أستمتع بعزوبيتي
اتعشى اتمشى مطاعم روحات ييات
ولله الحمد ها مب معناته اني فاضية لا أدرس بالجامعه استغل وقت فراغي
والحمدلله
فالبداية كنت اتحسس من أي شي بس لما فكرت وعزمت اغير حياتي الحمد لله انام من الوقت عشان لا يلعب الشيطان بمخي واقعد طول الليل افكر واحاتي ترى نحن العزابيات مشكلتنا مع الليل لا احين انش من الفجر ويوم تستوي الساعة 9 خلاااااااااااااااص اسطل ماشاء الله
ادور الفراش بس عشان انام
اروح مع خواتي المولات والسنترات وحتى الاسواق الشعبيه مافي اي مشكله الأمن مستتب ولله الحمد
يعني ميلادي قرب شهر 12 وبيصير عمري 29 سنه
بحتفل وعاااااااااااااااادي إن شاء الله العمر كله كشششششششششششششخه
ونااااااااااااااااااااااااااااسه ما شاء الله
ولا فالبال ولا فالخاطر دام اني مستانسه وربي معطني كلشي حق شو اكدر عمري عشان الناس
الناس ما يشبعون رمسه وانا الحمد لله ما علي قصووووووووووور

يوم ابغير جو اروح شوي اقرى عند البحر
ما عندي غير هاليده الله يطولي بعمرها ماليا علي حياتي كلها اشوفها واهتم بها ويكفيني وجودها ودعواتها لي كل يوم ما شاء الله
فديتها والله صدق أحبها الله لا يحرمني منها ويخليها لي ذخر
ها ي حياتي باختصار للخوات اللي دوم يقولن ان الوحده بليا عرس وريل حياتها نكد انا ضد هالكلام ألف بالمية على فكره انا صح ما عندي مشكله ولكن فيني طبع احبه بس يضايق غيري ألا وهو اللقااااااااافه أحب اساعد رزززززززززززه من دوم محد يطلب مني
يعني مرات احس ان الشخص يتضايق يقول لا عادي ما يحتاج وهم مناك خاطرهم حد يساعدهم
احب اني اساعد باي شي وكلشي حتى لو محد طلب مني خخخخخ طبع قلت بودره اعتبرته لقافه قبل بس احين غيرت رايييي انا جي واحب اني اتم جي واللي يقولي اتغيري لا تساعدين من دوم ما ينطلب منج بصراحه حاولت وما قدرت دامه شي حلو ليش اجبر نفسي اغيره خليني جييييييييييييييييي
ترى الي عندها حد من كبار السن بالبيت هم بركة البيت حافظو على انكم تستغلون كل فرصه معاهم وهاي تكون احلى اوقات حياتكم

(ربي اني لما أنزلت الي من خير لفقيـر) و( أستغفر الله العظيـم)..عليج فيهن دوم فديتج..

وعيشي حياتج دامج مسويه كل شي بالحلال..