ما العيش إلا عيش الآخرة

..

هلا حبوبات ..

مادري من وين أبدأ موضوعي صراحة ..

جتني حالة غررررررريبة من كم يوم , أنا الحمد لله محافظة على الأذكار , على طووول أستغفر

وأقرأ البقرة , ولله الحمد …

بس فيني حالة غريبة , أحس إني مو بالدنيا ؟؟

يعني احس إني محتقرة العالم كله , أشوفه ما يسوي أبد …!!!!!

وامس كنت صائمة ’ بس أفطرت قبل الآذان بخمس قائق , إنخفض عندي السكر , وشربت العصير

وقمت أرجع , ورحت المستشفى , وأنا هناك أحس نفس الشعور , أشوف الدكاترة , والمرضى

وأقول ياربي هذولا بعالم وأنا بعالم ثاني , أحس الدنيا مكان غلط , فترة قصيرة وبتنتهي ..

أقول بنفسي فيه حياة ثانية غير هذى الحياة , أنا مو زي كل هالناس ..

والله وانا على السرير بالمستشفى كنت أذكر الله وادعيه واحمده حسيت برااحة غريبة وعافية

بس كنت أفكر بالقبر وكأني بروح له .!! كأني خلاص قاعدة اطلع من الدنيا مع إني مافيني شيء ..

واشوف عجوووز جنبي كانت تعبانة , حسيت الدنيا ما فيها خير والإنسان ضعيف , ما يقدر ينفع

حتى نفسه , تمنيت ما عيش إلى ما أصل لعمر هالعجوز ..!!

الناس ملتهية بشيء مامنه فائدة ..!!

أنا غيييييييير , أشوف البنات المتبرجات والموظفات وأقول هذولا ليش ما يشكرون نعمة الله

على الصحة والعافية ليش كذا يسسووون ؟ سبحان الله ..!

أشوف الحريم المتزوجات واللي عندهم عيالهم ومبسوطين , ومع هذا تلقينها كله تغتاب وتكذب

وتنمم على الناس , ياربي ليش يسسوون كذا ؟!!!

أحسني أنا مو زي الناس , كاني مو من الدنيا , أحسني مخلوقة لمكان ثاني ؟؟!!

أحس أني اشوف شيء مو شايفينه , فيه شيء خطير جايء بس ماحد حاس غيري ..

أحس بغربة , وكله أذكر الله تعالي , أحس ما عرف أحد غيره ..!! أحسني مشتاااااااااااقة حييل

لأمي الله يرحمها , كله تجيني فجاة على بالي , وأنا جالسة أو نايمة أو أصلي ..

أذكرها , يم جيت بنام ورفعت الغطاء عن السرير جت على بالي , حسييييت ودي أشوفها وأسلم عليها

والغريب أشوفها مبتسمة أو تضحك , أحسها بمكان غير عنا , فيني إحساس كبير إنها مبسوووطة

لدرجة أتمنى إني معها ..

وعلى فكرة أنا دائم أدعيلها واتصدق عنها .. قلت ياربي أجمعني فيها بالجنة , والله مشتااااااااقة لها , السنين طوويلة الي قضيتها بدونها ..

إحساسي غرررررريب كله مربوط بالآخرة , ونفسي عااايفة الدنيا واللي فيها .. !!

أحسني ياااسة من كل شيء , كل شيء , وما عاد ابغى شيء..

احس نفسج طاااهررره وانسسانه تعرف الله زييين !!!!!!

الله يجمعج باامج ياارب ويغفرلها يارب

هالايام كله عايشة هالدور بالضضضضضضضبط

احس انا بكوكب والناس بكوكب ثاني

وتفكيري كله مرتبط بموتي وآخرتي

الله يحسن خاتمتنا ويلطف فينا

اخر فتره الكل حاس بالخوف وحاسين ان القيامه قربت وانا بصراحه وايد افكر وخايفه مع اني اصلي قيام الليل والاذكار والاستغفار ما يفارقني بس احس بعدنا مب مستعدين ما جهزنا الرحال عشان نرحل