مافي باليد حيلة غير الصبر والدعاء

ربيعتي ملجت من فترة، والريال اللي خذاها ماشالله يخاف الله ويحبها، وكان متزوج قبلها من فلبينية، وعنده منها عيال ومطلقنها من سنين..

هالريال ظروفة المادية "مش ولا بد"، وربيعتي طول عمرها عايشة في العز والخير، ورضت بهالريال رغم ظروفه لأها كانت تدور الستر، ماكانت تدور الفلوس. ومن ملج عليها عمرها ما طلبت منه شي فوق إستطاعته، إذا عنده عطاها، وإذا ما عطاها، ما تلومه أبد..ومتفمه تماما لظروفه..

المشكلة إن الريال الحين ماعنده يأجرلها بيت عشان يتزوجون فيه، لأن عليه ديون، ويدفع إيجار شقة عياله اللي ساكنين فيها ويا أمهم.
وإنتوا تعرفون الحين أقل إيجار 70 ألف وفوق.

وهو مب عارف متى ظروفه المادية بتتحسن، لكن اللي مخليها صابرة على كل هذا، إحترامه لها، وإنه يخاف الله.

أم ربيعتي كل يوم تضغط عليها، وتقولها متى بتعرسون، متى بيأجرلج شقة، ومتى ومتى، ومليون متى؟؟؟ وربيعتي وحليلها تسمع وتسكت وتبكي وتدعي، هذا هو دواها الوحيد..

هي حابة تاخذ راي الخوات في وضعها، ولو إنتوا مكانها شو بتسوون؟؟
أرجوكم إنصحوها

االصراحة الريال مب بفلوسه.. بطيبه واخلاقه واهم شي دينه..

وهو من كلامج فيه هاي الصفات.. واذا على الفلوس ربج بيفرجها والله يغير من حال الى حال ف لحظة..

واهم شي هيي شو رايها ف الموضوع .. هيي مقتنعة منه ..خلاص تتوكل على ربها ..

الغاليه اقترحي على ربيعتج فكره الشغل مافيها شي اذا الوحده اشتغلت وساعدت زوجها

وايد مستغربة صراحة

الرسول عليه الصلاة والسلام قال: من استطاع منكم الباءة فليتزوج.

وهو يوم ما يقدر وما عنده فلوس ليش يعرس ..