مثل ما قريتو من العنوان خواتي, اذا الواحد ما عنده بيت وظروفه صعبه او على قد حاله وين يروح, اذا بغينا نقدم طلب سكن او ارض او منحه يا اما تتريا فوق 15 سنه لين ما يطلع لك هالبيت هذا اذا ما طلعت سالفة الواسطات وخربت عليك و تتم كم سنه زياده , واذا قلنا برايه ما نبغي حكومي راح نشتري من بيزاتنا تعالو شوفو الاسعار والله اني اشتري بيت في امريكا احسن وايد من اني اشتري بيت اهني والسبب ان بيوتهم ارخص من عندنا ,يعني بيت كحيان سعره مليون عنبو وين عايشين؟ , روحو شو الدول الخليجيه الثانيه عمان ولا قطر او اي دول ثانيه البيوت في متناول الايدي الاعندنا نحن, ليش؟ يعني محكوم علينا نتم طول عمرنا قاعدين في بيت اهلنا او نتلته بالايجارات؟ بينما في ناس عندهم اكثر من بيت ما خذينه عن طريق الحكومه وياجرونها بعد واذا رحنا واشتكينا سحبو عنهم البيوت وعطونا نحن اولى ما يطيعون انا في حارتي اغلبهم ماجرين بيوتهم على الهنود والوافدين, و الله خواتي الله يعلم بالحال ونفسيتنا تعبت ونحن نتريا وغيرنا ياييب واسطات وياخذ البيت وياليته ساكن فيه لا قاعدين ياجرونه كيف هالشخص يخالف القانون ومحد يحاسبه ؟ بس نحن ما نبغي شي من بيوت الحكومه نحن مستعدين نشتري ونبني بس كيف حد يعلمني؟ اذا اسعار البيوت عندنا نار و هب معقول؟ والاجنبي الملياردير يقدر يشتري بيت في دبي ويي يصيف هو واهله ؟ , الحين العمارات والشقق اللي يبنونها ليش ما ينزلون اسعارها ويحطون بحدود المعقول عسب المواطن يشتري هب احسن من هالاجانب , لين متى نتم نتلته صدقوني البيت هو المكان الوحيد اللي يقدر يحسس الواحد بالامان و محد يقدر يحس بكلامي الا السخص المار بتجربتي , عسى الله يرزق الجميع و السموحه.
كلامج صحيح اختي
الله يفرج همكم يارب ماقدر اقول غير جذية
لاحول ولا قوة الا بالله الاسعاار مرتفعه والايجارات بعد
وهااذي هموم المواطن والكل يشتكي والله كريم ورحيم بعبااده00الشكوى لله الغلا
الله يعين يالغلا
الحال من بعضه
الله المستعان
نتريا رب العالمين يحلها من عنده ويرزق كل محتاي نحن ما بيدنا الا الدعاء بالفرج
الله يعين حبوبه
تعرفين انا من راس الخيمه ..
ريلي بناااا له بييييت وخلص الحمد لله بس من سنه نتريااا الكهربااا تخيلي ><"
والله تعبت من بيت الاجااار والمصيبه تظهر حشرات به واياام المطر اففف حووض البيت اطريناا نبات برع
قهــــر بس منو بيتكلم والمصيبه كل شي بفلوووس حتى يمدووون كيبل ><" وييين انرووح الله يجااازيهم