السلام عليكم خواتي ….
سواء متزوجات ولا مخطوبات ولا ملقوفات ..
موضوع شامل لكل الفئات …
هو بسيط وبختصره قد ما اقدر …>>> اظني صعب لأني وايد اتفلسف المهم استحملوني شويوونة …
خواتي … انا اتكلم كحمية ( أخت الزوج ) و كزوجة وعايشة مع اهل ريلي…. وكأخت ..
كل عايلة لها طباعها ولها عاداتهم .. وفكل عايلة في كذا فرد كل فرد له طباع خاصة فيه يمكن نتقبلها ويمكن لأ… صح ولا انا غلطانة ..
ليش نمسك الغلط من اخت الزوج ونقول سوت وسوت وقالت وقال ..
او
نمسك كلمة انقالت لنا من ام ريلنا .. ولا يدته ولا اي شخص من صوبه ..
بما انا حريم ودارسات الحمدلله .. ونحن فزمن الثقافة وااسعه وكلن يدور العلم .. لازم شوي نكون متفتحين اكثر يعني نكون متفتحات فمواضع وننسى مواضيع ما يصير جي بعد ….
لازم نقدر هالاختلاف بين كل عايلة والثانية ونراعي ضروف بعض وما نتحسس عالدقة .. لو انقالت لنا كلمة مني مناك ضايجتنا نطنش شوي ما بيصيبنا شي….. و لو انتي اتضايجتي من اهل ريلج قبل ما تقولين اي شي حطي امج فمكانة عمتي ولا فمكانة اللي غلط عليج وجوفي شو بيكون ردة فعلج وشو تبين مرت اخوج تكون ردة فعلها لأمج .. ودااااايم عاملي الناس مثل ما تبين الناس يعاملونج ويعاملون اجرب النااس لج…
والوحدة منا لو انضغطت واتضايجت وايد شوي تروح بيت اهلها اتم لها كمن يوم بتغيير جو او تروح هي وريلها اي مكان كمن ييوم بيتتغير النفسية وبترجع مع اهل ريلها حبايب.. ولو الوحدة اهلها بعااد وريلها ما يطلعها تقدر اتم فقسمها ولا غرفتها وتشغل نفسها بأي شي مو لازم تجابلهم 24 ساعه .. لو قالوا شي والله مشغولة فغرفتي ارتاح فقسمي .. وخلونا نحاول نرتقي بحياتنا ومو كل وحدة اتم تشتكي من غيرها ومن اللي حولها كل وحدة تجوف تصرفاتها هي .. ولا نقول كلمة غير موزونة ولا نحن مو بشر وممكن نغلط ..
عندي نقاط بقولها لكل الفئات….
# أخت الزوج.. ما فيها شي لو سألتي عن مرت اخوج واعتبرتيها صديقة ورحتي يلستي معاها وسولفتوا .. هالشي يقربكم من بعض ..
* تقدرون تسوون اكله مع بعض ..
* تأخذون وصفات من بعض ,,
* تساعدج فدروسج .. لا تساعدينها بعيالها شوي….
# مرت الأخ … ما فيها شي لو خذتي خوات ريلج معاج فطلعه كتغيير جو مو لازم شوبنق حلو نطلع مكان مفتوح حدايق بحر … واايد تتغير النفسية ونرتااح ..
* وحلو انج تكونين عطبيعتج معاهم… تسولفين وتضحكين وتعتبرينهم خواتج…
* لا تسمحين لاخواتج يتدخلون بأمورج .. في حدود فعلاقة الأخت بخواتها بعد الزواااج …وانا اجوف واايد بنات وحريم مستهينات بهالشي.. الريل كم بيستحمل تدخل خوات حرمته بأمورهم الخاصة…
في وايد اشيا .. مو قادرة افكر واركز عسب اكتبه وهاللي حضرني الحين واللي عندها نقاط تفيدنا وكلام يفيدنا حلو ياريت تكتبه لنا هني .. ونتلعم ونستفيد من بعض…
رجااااااااااء ما نبي حش… تعبنا من الحش والنميمة….
هيييييييه و آلله !!
آصلأآآآ في هآلزمن صآروآآ آلنآس يقعدون و يجآملوون بعض !
و كل وآآآحد في قلبه شآآآيل ع آلثآني !
يزاج اللّہ خِـيٌرَ. صَـ√ـحّ كلامج
اللّہ يهدي الجميع 
مهما حاولنا نصلح الحياه
تظل الحياه حلوة ومرة وفيها خير وشر
وباطل وحق
وليل ونهار
وشمس وقمر
ومافيها حياة مثاليه غير بالجنــه سلام قول من رب كريم
و آلله لو كل وحده معرسه آعتبرت آم ريلهآ آمهآ .. و آخت ريلهآ آختهآ ..
جان انعدمت المشاكل من كل البيوت ..
بالععكـــس .. شعور حلللللو انج تعيشين وسط عايله ..
تحبج وتحترمج ..
نصيحه: اللي تبا تتوفج فحياتها ويا ريلها .. هآلله هآلله فآم ريلج وخوآته..!
ثآنكس ع آلموضوع حبيبتي..
بارك الله فيج اختي
كلنا نسعى للتغير الى الاحسن بإذن الله ^^
صح كلامج والله ..
ويفضل لو الحرمة بعد تحافظ على اسرار بيتها ومشاكلها العائلية
وتستفيد من المواضيع المطروحه هني والحلول ..
وفي نقطه حبيت اضيفها تخيلي كتبتي موضوع عن مرت اخوج ولا حميتج
وهي تحدر المنتدى وتشوف الموضوع وانتي فالموضوع كاتبة كل التفاصيل عن البيت والمشاكل الي فيها
وهي خلاص عرفت انج انتي كتبتي الموضوع شو بيكون موقفج لو قالت حق ريلج حرمتك تكتب مشاكلها فالنت وفضحتني ونشرت غسيلي ووو < ع حسب الحمية اذا طيبة ولالا وياج وشو بتقول وشو بتزيد ووو ..
انا مب قاعده اقول لاتكتبن مشاكلكن هني .. انا اقول خذن حذركن فقط !
واكتبي المشكلة بكل بساطه في جمن سطر .. والحل المثالي يا انج تسامحين الي يظلمج وتخلين الحل ع الله سبحانه وتعالى .. يا انج تتفاهمين وياهم .. او تحلين مشاكلج روحج ومن خبرتج فالحياة ومن حلول ومشاكل العضوات ..
اتمنى وصلت رسالتي .. والسموحه صاحبت الموضوع ع هالزيادة من صوبي ..
والله يوفق الجميع ويرزق كل بنت الزوج الصالح وذرية صالحة يارب