للمتزوجات والبنات حياكم

السلام عليكم ورحمه الله وبركاته

بنات وحريم مدونة سيدات الإمارات

إشحالكن عشاكن بخير وبصحه وسلامه

بصراحه انا احب هالقسم وايد لأني اقرى مشاكل غيري واحاول اساعدهم

وفي نفس الوقت أتعلم منهم

أنا اليوم مب يايه عشان اعرض مشكلتي لكم

أنا بنت بعدني ما كتب لي الله النصيب وكلامي موجه للحريم المعرسات والبنات وما اباكم تزعلون

بصراحه لفت انتباهي ان في حريم الله يسامحهم يدعون على البنات ألي يرمسن ريايل مزوجين

ويحطون كل اللوم عليها انها هي تخربه على حرمته وتبعده عن بيته وعياله

ما فكرتوا للحظه يمكن هاي البنت ما تعرف ان الريال ألي تكلمه معرس ؟؟؟؟؟؟؟

انا ما ادافع عنهم لا .. تراهم هم بعد غلطانين لانهم يكلمون ريال غريب وهذا غلط

والغلط بعد على الريال لانه هو ألي يبا يرمس وما فكر في حرمته وبيته وعياله

لو كان ما يبا لو مليون بنت تلحقه وتأذيه ما بيعبرها ولا بيسوي لها سالفه

يا حريم انا اعرف ان الخيانه شي جدا صعب على الحرمه بس لا تدعين الدعاء مب زين

انتي بإيدج تقدرين تخلين الريال يتلوم ويندم على ألي سواه ويبطل هالخرابيط

بس قبل ما تسوين أي شي فكري هو ليش نظر للي برع وما فكر فيه

شوفي شو ناقصنج وكمليه واذا انتي مب ناقصنج شي وتسوين له كل شي طوري من نفسج

والله يخليكم ان شاء الله لبعض وما يفرق من بينكم

أما انتوا يا بنات يا حلوات يألي بعدكم ما عرستوا … انتي تبين تتكلمين مع شخص غريب عشان تتزوجين ؟؟؟

ترى كل شي بأمر الله … اذا الله كاتب لج الزواج بتزوجين واذا الله ما كتب لج لو شو تسوين ما بتتزوجين

في بنات ما يعرفون طريج الباب كيف ولا عندهم تلفونات ولا انترنت ولا شي وعمرهم ما غلطوا يعني محافظين ما يتزوجون ليش لان الله ما كتب وفي العكس

كل شي يا بنات قسمه رب العالمين

لا تعرضون نفسكم للمشاكل ولا توطون روس أهاليكم ألي رافعينها بين الناس عشان زله

وأما البنات ألي يرمسن ريايل متزوجين وهم يعرفون بهالشي اقولهم خافوا ربكم وحطوا نفسكم في مكان حرمة الريال

شو بيكون موقفكم .. ولا تنسون الدنيا دين مثل ما تدين تدان

سبحان الله الله يكتب لج الزواج وعقب فتره تكتشفين ريلج يكلم وحده غيرج

ترى الدنيا دواره

لا تغلطون والله وفكروا عدل قبل ما تسون الشي ولا تركضون ورا عواطفكم

وفي النهايه أطلب السموحه من الكل

سبحانك اللهم وبحمدك أشهد ان لا إله إلا انت استغفرك وأتوب أليك

تسلمين الغاليه

غزاله بوظبي

العفو عزيزتي

₪حقنة تواضع₪≈

تسلمين أختي

وبارك الله فيج وان شاء الله ربي يرزقج زيرزقني الزوج الصالح