لغير المتزوجات اللي دخلوا عمر 30 وبس بليييز اللي أقل ما تدخل

السلام عليكم :
هذا موضوع للمواطنات فقط عشان مصير بلادنا ومصيرنا…. ف لوسمحتوا اللي مب مواطنة أو من مجلس التعاون لا تشارك… قضية خااااصة بالإمارات ( وبدون تعليق وارجوا احترام الرأي)

بنات حبيت أناقش معاكم موضوع, أنا في تاريخ 12 يناير دخلت ال 30 أو يمكن ال31 بس مواليد 78 شكلي ولله الحمد أبدا ما ينبان علي إني جي الكل يتحراني 25 أو حتى 23 وحتى ويهي بيبي فيسBabu face المهم أسأل ليش وصلنا هذا العمر وبعدنا ما عرسنا ,, ما شاءالله الحمدالله نشتغل وراتبنا عاااالي ونسوق سيارة وجامعيات ومحجبات وملتزمات يعني ما علينا زود والحمدالله…
(طبعا ما أعم هذي الصفات يعني ما أرمس عن الكل)

أتسآل شووووووووووو هي الأسباب :

هل الشاب ما يريد يتزوج وحده من مكان شغله…. طبعا هاي عقلية محدودة ومتخلفة

هل الشاب ما يريد وحده عمرها فوق ال 25 أو 29 أو 30 ….طبعا يريد وحده صغيرة أونه عشان يشكلها ع كيفه

هل الشاب يريد يعتمد على أهله في إختيار الزوجة…. وطبعا هاي شخصية ما عنده قرار وما يقدر يتخذ قرار بروحه

هل الحرام صار متوفر وعادي الحصول عليه فيقول الشاب ليش أتزوج دام اللي أباه أقدر أحصل عليه

هل يريد يلعب ويوم اتصارحه بالإرتباط يختفي… ليش

الصراحة انصدمت من حد عمره 32 وخطب بنت عمرها 22 يعني شو هذا المنطق وليش الأهل ما ينصحون أولادهم أو حتى نحن ما ننصح إخواننا…..

في حل إن بنت العشرين ما تستعيل ع الزواج وتقبل بواحد أكبر عنها بعشر سنوات عشان تعطي المجال ل بنت ال30 وتعطيها فرصة لأن بنت ال20 لاااااااااااااحقة عالزواج صح هذا العمر مطلوب من قبل الشباب الكبار لكن لو كل وحدة رفضت صدقوني هم بيختارون وحده في سنهم

يعني إحنا شو مصيرنا والعنوسة زااااااايده وخااااصة في مجتمع الإمارات والعمر يمضي واحنا مب حااااسين,,,,,

وأنا الصراحة ألوم البنات بعد,, اللي جدامهم كل هالبنات وعندهم ربيعات وما يفكرون يخطبونهم لأي حد من أهلهم أو حتى ينعتونهم للغير ليش هالأنانية وعدم حب الخير للغير وتكونين حقودة ساعدي واخطبي لغيرج الله بييسر أمرج….

جوفوا استوا في البيوت 3 أو 4 بنات فوق ال 25 وبعدهم ما عرسوا يعني أحسها قضية لالالالالالازم يتنبهون لها الشباب

على آخر زمن صرنا نقبل بالخطابة وصرنا نقبل بالمتزوج أو باللي أصغر منا بعشر سنوات…. وصارت عدنا تنازلات وااايده….حتى في قيمة المهر

والله المستعان وتكون 2024 سنة خييير عالجميع يارب

الله يرزق كل وحده عقد نيتها انشالله ما تدرين ربج شو كاتبلج و كل حد ياخذ قسمه و نصيبه في هالدنيا
واذا البنت اصغر عن الريال ب 10 سنين مب معناته انها صغيرة يقدر يشكلها الا صاروا هن المفتحات و مخليات الرايال مثل الخاتم ^___^

هذا نصيب اختى والله متى راد قدر العرس لكل وحده

الله يسر اموركم

الله يعين ترا ها إبتلاء وفي نفس الوقت رحمة من الله يعني تخيلي تتزوجون ويصير فيكم مثل اللي صار فينا من مشاكل مع رياييل ما تستاهل
إندوكم تزوجت في ال22 مستانسة ع عمري وأحين أنا 27 ونمشي في إجراءات الطلاق واليهال أشوف مستقبلهم بيتنكد جدامي بسبب ريل ما يقدر وعلى باله الزواج عرس وحرمة بس

إحمدن ربكن سبحان الله يمكن الله ما يبا وحده منكن تتعرض لنفس الظروف اللي تعرضت لها
وإدعوا ربكم إن يرزقكم في الجنة ريل أحسن بمقدار ما ينقاس من رياييل الدنيا وإدعولي معاكم
ويعوضنا خير

الصراحة نسبة الطلاق زاااااااااااااااااادت في مجتمعنا
هل لأن الريايل يعرسون وهم صغار …. ويوم ينضجون بزيادة يلعبون ومن إهني تبدأ الخيانة والطلاق

والله ما أدري… ربيعتي كملت سنتين والحين تمشي في إجراءات الطلاق

اللي تنخطب وما يعيبها الريال ليش ما تنعت له غيرها والله ما فيها شي ….. لا تصير حقودة… يعني لو أنا ياه حد بيخطبني وما ناسبني بقولهم عندي حد غيري يمكن يستوي نصيب معاها…

الموضوع قسمة ونصيب-غلاء المهور-طلبات ترهق الرجلو00000000000000000

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.