حياكم الله في مطبخي المتواضع اليوم عندي لكم كيكه بالفواكه
المقادير والطريقه :
لعمل الكيكه :
كوبين طحين
كوب زيت
كوب حليب
كوب سكر
ملعقتين صغار باكنج بودر
4 بيضات وشوية فانيليا
الطريقه نخلط البيض الى ان يتضاعف حجمه ونضيف له السكر والحليب والزيت والفانيليا
واخر شي نضيف الطحين المنخول مع الباكنج بودر على دفعات وندخل الخليط الفرن تقريبا من 25 الى 30 دقيقه
وهذا شكل الكيكه
عقب ما تبرد الكيكه نشقها بالنص الى قسمين
نفتح علبة فواكهه مشكله ونشرب الكيكه بعصير الفواكهه وندهن الكيكه بالكريمه
( الكريمه عبارة عن ظرف دريم ويب وظرف كريم كرميلا وعلبة قشطة ونص علبة جبنة فلادلفيا الحجم الصغير )
نحط الفواكه المشكله على الكيكه
نضع الطرف الثاني من الكيكه
ونكمل تغطيتها بالكريمه انا استخدمت جوز مبروش على الجوانب وفراوله للتزييين
شو رايكم
يمم لذيذ ^^ بـ العااافيه ,, بشوف اذا قدرت اسووي شراتج ولا ^^هعهع تسلمين غناتي ع الصور
هلا ام حمد شرفتينا وانشالله انج بتسوين احسن منها
ما شاء الله ما شاء الله ما شاء الله عليج..
دشت في خاطري خخخخخ
بحاول اسويــــــهـاا..
بس ما بتطلع وايد حلوه قصدي…يكون فيها وايد شكر؟؟
غناة القلب
طعمها عجييييييييييييييب واللي كان محلنها اكثر عصير الفواكه المعلب اللي شربت الكيكه منه لذييييييييييذه جربيها وشوفي كيف طعمها
يسلمووووووووووووووووووووووو خيتوووووووو
و ربي يعطيج العافيه على هالكيييييكه الحلوه
