السلام عليكم ورحمة الله وبركاته
حبيباتي
بغيت اعرف شو اخلط مع الحنا الطبيعي عشان يصبغ بالشعر ويصير اسود ويغطي الشعر الابيض اللي بالراس
بليييييييييييييز اباه اسود مب مثل لون الحنا العادي
اتريا ردكم ضروووري
ويزاكم الله خير
اظني شي حنه سودا طبيعيه
للرفع
missuae3003
الغاليه المفروض يكون عندج خلفيه واسعه عن كل شي يخص الشعر دامنج مشرفه ما اعرف ليش دايما تكون اجابتكم للرفع او انشالله البنات يفيدونج … اعتقد ان بجانب حذفكم للمواضيع المهمه ان تعوضن الخوات بنصايح ثمينه اذا اطلبوا مساعده …
دمعة المقهور….
انا بفيدج بس انشالله بعد ما يفسرون اسم العشبه دعايه عن العطاراو عن محله ….
الغاليه اسم العشبه الكتم تلقينها عن محل السواري اللي في الخالديه او اي محل يبيع بهارات ايرانيه او يمنيه تاخذين ملعقه وحده وتخلطينها مع ملعقه كبيره من الروب وتوزعين على كامل الجذور (الشيب) وتتركينه لمده ساعه عقب تغسلين شعرج بالماي الدافي ..
وانشالله شعرج يكون لونه اسود ….
المشاركة الأصلية كتبت بواسطة حواء الامارات 
الغاليه المفروض يكون عندج خلفيه واسعه عن كل شي يخص الشعر دامنج مشرفه ما اعرف ليش دايما تكون اجابتكم للرفع او انشالله البنات يفيدونج … اعتقد ان بجانب حذفكم للمواضيع المهمه ان تعوضن الخوات بنصايح ثمينه اذا اطلبوا مساعده …
دمعة المقهور….
انا بفيدج بس انشالله بعد ما يفسرون اسم العشبه دعايه عن العطاراو عن محله ….
الغاليه اسم العشبه الكتم تلقينها عن محل السواري اللي في الخالديه او اي محل يبيع بهارات ايرانيه او يمنيه تاخذين ملعقه وحده وتخلطينها مع ملعقه كبيره من الروب وتوزعين على كامل الجذور (الشيب) وتتركينه لمده ساعه عقب تغسلين شعرج بالماي الدافي ..
وانشالله شعرج يكون لونه اسود ….
كتم ؟ كم يتم على الشعر يعني كم يوم يباله لين يطلع الشعر الابيض؟؟؟
غناتي رفجه زايد
انا اجدد للوالده الله يحفظها بين كل 3الى 4 اسابيع. لين ما يطلع الشيب . وابدا ما يخشن الشعر ولا يجففه جربيه الغاليه بس مع الروب فقط .. عشان يصبغ الجذور من الخاطر .
حبيبتي حواء يعني بدون حنا
بس روب وكتم
بس بغيت أعرف هذا مو حكمه حكم الصبغة السودا
يعني مو حرام