السلام عليكم
حبيت أسألكم بشتري غسالة أوتوماتيك بس
1- كيف أقسم الثياب فيها؟؟ يعني ثيابي أنا وزوجي وعيالي؟؟
الأبيض بروحه والملون بروحه والا؟؟
وخاصة انه صابون اليهال غير عنا,,
لأنها أظن تاخذلها ساعة بالغسيل؟؟ متى بنخلص اذا مقسمات؟؟
2- والا أخلي كنادير زوجي بروحهم يوم ,, وعيالي يوم ,, بس فيه ثياب المدرسة وفيه للبيت,,
ياريت اللي عندها تعلمني كيف ماشية عليها,,
3- واللي أخذها 8 كيلو والا 10 كيلو؟؟ وكيف أعرف هالكمية كم كيلو؟؟
والله يعطيكم العافية
ما ادري والله ، ان شاء الله تحلصين الرد
يفضل انج تقسمين الثياب الابيض روحه والالوان بروحهم والاسود طبعا روحه
ثياب الاطفال اكيد تفصلينهم عن ثياب الكبار
بالنسبه كيف تعرفين كم كيلو هذا من اللى بتشترين عنه بيخبرج كم كيلوو
والحجم اللى المفروض تاخذينه يعتمد على عددكم وانتى كم مره تغسلين هل كل يوم والا مرتين بالاسبوع يعني هالامور
عن نفسي استخدم الغساله الاوتوماتيك اللى تتبطل من فوق لما بغيت اشتري قالو لا تاخذين اللى تتبطل من تحت لانها تخترب بسرعه، وفعلا طلعت ممتازه
طبعا لازم تنتبهين بعد يوم تشترين التايد او اريل لان فى منهم للغسالات اللى تتبطل من فوق وفى منهم للي تتبطل من تحت
هذا كل اللى اعرفه، واسمحيلي اذا قصرت
انا بغسل يوم بعد يوم واحيانا كل يوم ده بالنسبة لملابس الاولاد وبتكون لوحدها اما جلاليب زوجى بتكون كل ثلاث ايام لانها لوحدها اما ملابس البيت تقريبا يوم بعد يوم وفى حاجات تغسل باليد:22 (20): اتمنى انى اكون افادتك
مشكورة أختي عذبة على ردج ,,
الغالية احنا 2 كبار و3 يهال تقريبا أي حجم أخذ؟؟
عيبتني اللي 10 كيلو LG وتتبطل من فوق,,
أقصد بالكيلو يعني شعرفني هالثياب يطلعن كم كيلو؟؟
أتمنى تردين عليه وأكون لج شاكرة,,
تسلمين أختي أم الكل عالرد ومثل ماقلتي شكلي بقسم الثياب أحسن شي,,
مشكورة عالرد,,
المشاركة الأصلية كتبت بواسطة LACNOR Lady 
حبيت أسألكم بشتري غسالة أوتوماتيك بس
1- كيف أقسم الثياب فيها؟؟ يعني ثيابي أنا وزوجي وعيالي؟؟
الأبيض بروحه والملون بروحه والا؟؟وخاصة انه صابون اليهال غير عنا,,
لأنها أظن تاخذلها ساعة بالغسيل؟؟ متى بنخلص اذا مقسمات؟؟
2- والا أخلي كنادير زوجي بروحهم يوم ,, وعيالي يوم ,, بس فيه ثياب المدرسة وفيه للبيت,,
ياريت اللي عندها تعلمني كيف ماشية عليها,,
3- واللي أخذها 8 كيلو والا 10 كيلو؟؟ وكيف أعرف هالكمية كم كيلو؟؟
والله يعطيكم العافية
مرحبا اختي الغالية " LACNOR Lady " :-
اول شي اغسلي ثياب عيالج البيض والغسلة اللي عقبها ثيابهم الملونة ولانج تستخدمين لهم صابون نوع ثاني لثيابهم غيري الماي واغسلي ثيابج وثياب ريلج الملونة وردي غيري الماي واغسلي ثيابج وثياب ريلج البيض وبنفس الماي اغسلي الفوط الوسخة وطبعا اتكونون قبل منقعتنهم في ماي وديتول .
اما عن حجم الغسالة كلما كانت اكبر احسن لانها بتنفع حق الفوط الكبيرة وروب الحمام مثلا وشراشف الصغاريه ^_^ … والسموحة
انا اول شي اقسم الثياب مثلا ثياب زوجي ثيابي وثياب البيبي
اغسل ثياب زوجي اول
وقبل اخلي ثياب البيبي في طش فيه ماي وكلوركس للآلوان عشان ثياب البيي تكون متسخة من الاكل وغيره
وبعدين اغسل ثيابي
واخر شي اغسل ثياب البيبي لانها تكون اتودنت ويكون عندي فرصة اني انظفها من الوسخ والكلوركس وايد يساعد
انا غسالتي اتوماتيكية تغسل وتشطف وبعدين يكون الدوران السريع بس احط الثياب ومسحوق الغسيل
وفي مرحلة الشطف احط الكومفرت وبس
ان شا الله تكونين استفدتي