خواتي أنا أدري مابتقصرون في حل مشكلة صديقتي وهي إنها متزوجة وهي صغيرة وأنجبت الأولاد والبنات وحالتهم المادية جيدة والحمد الله لأنها بعد تشتغل وتساعد زوجها وكانت ماتقصر مع أولادها بشي أبدا ووقتها أكثر لزوجها وعيالها المشكلة لما كبروا عيالها البنات وايد حنونات علي أمهم أما أولادها العكس كانوا يطولون لسانهم عليها ويسبونها وعادي عندهم يضربونها ولما تخبر عليهم أبوهم ماكان يقول ليهم شيء لأنة وايد مدلعنهم وهم مايسوون شيء في حضوره وهو دائما مشغول عنهم وحتي لما تحتاج لمساعدتهم في أي شيء في البيت مايساعدونها وهي دائما حزينة وتبكي لأنها وايد تعبت عليهم يوم كانوا صغار والحين لما كبروا يردون ليها هاي المعاملة القاسية علي قلبها وهي إنسانة أعرف عنها إنها مصلي وخايفة ربها وطيبة مع الناس وأهلها ………
تكفون خواتي تخبرونها عن الطريقة كيف تتعامل أولادها مع إنهم في الثانوية مب صغار؟؟؟؟؟؟؟
يمكن هذا ابتنلاء من رب العالمين يختبر فيه صبرها…عسالله يصبرها ويثبتها على ما هي عليه والمفروض تتكلم مع زوجها بحيث يساعدها في تربية العيال ترا التربية ما تقتصر على أم روحها المطلوب وجود الأثنين…
تلجأ لله سبحانة وتعالى تدعيلهم بان الله يهديهم ويصلح شانهم وتكثر من الاستغفار وتاخذهم بكل حنان واتخلي ابهم ينصحهم ويخوفهم بالله الظاهر والله اعلم ان الوازع الديني بالنسبة لابوهم ضعيف ولا مستحيل يخلي الاولاد يستهينون في امهم وهو ساكت بس ماقول غير الله يصبر قلبها ان شاالله ويهديهم الله يستر من اعيال هالزمن..
الله يعينها مسكينه مافي غير اتم تدعيلهم الله يهديهم ولازم تتفاهم مع ريلي انه يشد عليها وانا ماتترك نفسها حتي لو خذت الموضوع بشده باكر ريلها لو ماشد عليهم وصار في شئ مابتحصلهن ابدا حدا معاها
الله يهدي عيالها
يضربونها ويسبونها؟؟!!!!!
وتسأل كيف تتصرف معاهم
هي كيف كانت معاملتها مع امها؟؟!!
ربما يكون دين
وان كانت باره بوالديها…
معناتها سوء تربيه نتيجة التدليل الزائد عن حده
لازم يكون هناك رادع قوي يردعهم والا تفاقمت الامور
الله يهديهم ويصلح بالهم
اكتبي في لوحه بشكل جميل و يجذب
رضى الله من رضى الوالدين
دايما خل تسمع محاضرات و مواضيع عن بر الوالدين جدامهم حتى لو فوقت العشاء
و أكيد تدعي ربها و أمنعيها عن أسلوب العنف لانه هالايام ما ييب نتيجه بالعكس اليهال يتمادون
و بما أنج اتقولين انهم ثانوية يعني مرحلة مراهقة
انصحها تيلس مع العيال و تكلمهم شو الشي الغلط الي صاير فالبيت و الي يخليهم يكونون بهالحال و تملي عليهم شروطها و هم يقولون بعد الي عندهم يعني يسووون اجتماع عائلي وجهاً لوجه مع الأب و الأبناء كلهم حتى البنات و يكون الكلام فيه بصراحه و في ادق الأشياء
و نصيحه أخيره خليها اتكون صديقة أبناءها قبل لا تكون امهم
و الله يعينها و يصبرها ياااااااارب و اكيد هي محتاجه الصبر و هدوء الأعصاب فكل موقف