خواتي الله يسعدكن أنا ما أعرف كيف أشتري ملابس للطلعات يعني للعزايم وكذا .. وغير هالشي ما أعرف انسق يعني ما أعرف شو الاشياء الي على الموضه .. برايكن كيف ممكن أطور من نفسي في هالشي .. وبعد ما ألاقي مقاسي دووم انا مقاسي سمول شو المحلات الي بلاقي فيها هالمقاس وايـد لاني لمن اروح مثلا برومود او مانجو وهالسوالف كله الاقي 42 !! والله يجزاكن خير ساعدوني لاني بجـد احس مشكلتي صعبه مرره .. اشوف البنات يلبسن ويكشخن وانا .. والي تعرف مواقع تهتم بالموضه ياليت تطرشلي على الخاص .. وآسفه على الاطاله ولاكن املي ان تجاوبوني
ما عندى اى فكرة
للرفع
للرفع ……..كل الي تبينه اكتبيه بجوجل بيطلعلج…
و اذا تبين صور حطي جوجل على الصور و اكتبي مثلاا الموضه …موضه 2024 جلابيات ..بلايز…كل الي تبينه بيطلعلج
*
مرحب اختي
انا بصراحه اشوف مش ضروري الواحد يمشي على الموضه
يعني اي صرعه غبيه داخله السوق تسوينها
لان مش الكل يناسبه هالشي
انا برأيي انج تلبسين أي سمبل وتناسبج
وااذا عقولتج ماتعرفين تنسقين
خلي العاملات اللي في المحل يساعدنج في تنسيق اللبس اللي تبينه
يعني اذا دخلتي أي محل مثل مانجو او برمود مسكي وحده من الموظفات وخليها تمشي معاج وتساعدج في كل شي
مثلا سأليها شو الكوليكشن الجديد عندكم ؟
شو اللي يناسبني؟
ممكن اتطلعيلي مقاسي؟
وهي بتساعدج ان شاء الله
وبخصوص المقاسات انا البس سمول
وآخذ من كل المحلات من مانجو وبرمود وغيرها
واذا اخذت مثلا دريس مقاس سمول وطلع شوي أطول أو أوسع عني اخلي العامله اللي في المحل تاخذ مقاساتي وتضبطه وارجع بعد يومين واخذه ..
هذ كل اللي عندي (:
واتمنى اني وفيت
مب شرط يعني تلبسين عالموضة عسب تكشخين..بالعكس احس اللي يتبع الموضة يخرب من شكله واايد ..
حاولي بين فتره و فتره تغيرين في لبسج و شكلج يعني مكياجج احيانا يكون خفيف و احيانا ثجيل و اللبس مثلا تلبسين الوان هاديه..الخ
الله يوفقج الغاليه أهم شي تهتمي باللبس المرتب والحلو والمكياج الحلو
دايما تابعي مجلات الموضه عشان تعرفين شو اللي ماشي
مب عشان تلبسينه لأنه يمكن ما يناسبج ولا يناسب مجتمعنا
نصيحة لج : خليج دايما سمبل وكلاسيك
وبهالطريقة ممكن تلبسين أي شي تبينه وفي أي حزه