السلام عليكم
هلا يالغاليات …يالامهات والبنوتات
ان شاء الله بخير وعيالكن بخير
بدخل على طول للموضوع
انا عندي ولد عمره سنه .. الله يحفظه ويحفظ عيال المسلمين
ولدي من كمل اربع شهوور وهو كل يوم ينش من الرقاد بعد ساعتين او ثلاث ساعات يتم يصيح
جنه حد ضاربنه
من الخاطر يصيح
ومرات الساعه ثلاث فليل
طبعا مو نفس الساعه كل يوم بس بها التوقيت
يعني لو رقد الساعه 10 فليل اشوفه بعد الساعه 1 يصيح ومرات قبل الفجرعلى الساعه 4
طبعا الاوقات كل يوم غير (عسب ماتقولون ليش حددت الوقت)
يوم اشوفه واحظنه واتم امشي بالبيت وهو على جتفي يرد يرقد
وكل يوم نفس الحاله مره او مرتين يصيح
وملاحظه عليه انه واااااايد يتقلب بالنوم
يعني لو حطيته ينام على الارض يدور على الغرفه كلها ومايرتاح
احسه يبا ينام ومايعرف كيف
ويوم ينام بسريري مايخلينا ننام كله يتحرك
حتى نومه خفيف اقل شي يصحى
والله حااااااااااااله
منو مرت عليها نفس الوضع
تفيدني
اخاف اوديه الدكتور يقول عاااادي ……..!
ابا تجاربكم الشخصيه وللعلم عندي بنت ابد ماتعبتني بنومها من تنام لين تصحى وهي هاديه
ممممممم الكلام مخربط لاني كتبته على استعجال …السموحه
الغالية ما عليه شر ان شاء الله بس انا ولدي صار فيه نفس الشي
عليج بالرقية الشرعية والماي المقراي فيه وبتشوفين التغيير بنفسج والله يعافيه يارب
اختي انا البارحه سايره بيت اختي وولدي عمره 4 شهور
من دخلت بيتهم تم يصيح صياح لين ما ظهر من بيتهم سكت 
وعآد انا ناسيه اقرى عليه اليوم .. وايد لومت نفسي والله
فتميت اقرى عليه طول الليل حتى ما رقدت لين ما تاكدت انه راقد وهو مرتاح مره ..
فانصحج انج تقرين عليه ولا تنسين قبل النوم تحطين ايدج على راسه او صدره وتقرين عليه اذكار قبل النوم
المشاركة الأصلية كتبت بواسطة انفال 
عليج بالرقية الشرعية والماي المقراي فيه وبتشوفين التغيير بنفسج والله يعافيه يارب
شكرا يالغاليه على الرد
انا فعلا مرات مااقرا عليه
المشاركة الأصلية كتبت بواسطة * متوآضعه * من دخلت بيتهم تم يصيح صياح لين ما ظهر من بيتهم سكت وعآد انا ناسيه اقرى عليه اليوم .. وايد لومت نفسي والله
فتميت اقرى عليه طول الليل حتى ما رقدت لين ما تاكدت انه راقد وهو مرتاح مره ..
فانصحج انج تقرين عليه ولا تنسين قبل النوم تحطين ايدج على راسه او صدره وتقرين عليه اذكار قبل النوم
ان شالله بقرا عليه
شكرا على الرد
بس بعد مرات اسال نفسي
ها طبيعي…؟؟؟
اختي الغالية ما عليه شر ان شاء الله
كان ابني محمد مثله ويصيح طول الليل واظن انه يخاف من شي
ويفتح عيونه وما يعرفني اني امه
تميت اقرا عليه قرآن كل يوم لين صار الحمد لله بعافية
عليج بالرقية الشرعية وان شاء الله عليه العافية يا رب
الغاليه … ربيعتي ولدها بعد جي كان
وكان كله مزجوم ,,, واخر شىء طلعت عنده لحميه .. وشلوها
وبعدين صار رقاده عادي .. ماينش وايد مثل قبل
فانتي وديه المستشفى وشوفي … احسن تسوين له فحص عشان تتطمنين
أنا بعد بنتي وايد تنش فليل … ساعات يوعانه … وساعات حلمانه
وربي يخليه لج ويبعد عنه الشر