ساعدوني خواتي كيف اتخلص من هالخوف
انا اعرف اسوق السيارة , وكل ما اسير اقدم عالامتحان في المدينة , أرسب والسبب اني ارتبك وانتفض وقلبي يدق بسرعة وافقد التركيز اذا قالي الشرطي لفي يمين او يسار , ما اعرف اليمين من اليسار الا يوم اشوف الساعة اللي في ايدي , وبعد يرسبني , والحين قدمت 8 ترايات وكلة رسوب بسبب الارتباك والخوف , ويوم اكون بروحي بدون الشرطي اسوق عادي واسير في الشارع بروحي بدون خوف بس للحين مب قادرة اخذ الليسن ,,
واليوم كان عندي امتحان في سورة البقرة وانا الحمدلله حافظة السورة كاملة , بس اليوم خبصت وحطيت عباس على دباس , و دخلت البقرة في آل عمران , وفقدت التركيز في القراءة , لاني اعرف ان في ناس يسمعوني والمعلمة تسمعني عسب جي ارتبكت وخفت واقرأ وانا ارتجف , وقراءتي متقطعة , وقلبي يدق بسرعة , يااربي شو اسوي ؟؟ مب قادرة انجح في شي بسبب هالخوف والارتباك
كيف اتخلص منه ؟ ساعدوني
حياتي داومي ع سورة البقره يوميا اقريها قبل لاتقرين ..
واذا حسيتي بخوف او شي اذكري ربج واستغفري ..
انا بعد في امتحان التراي مت من الخوف يلست استغفر واستغفر وقلت اللهم اجعل من بين ايديهم سدا ومن خللفهم سدا فاغشيناهم فهم لايبصرون..
وماعليج من حد انتي قدها وقدووود لاتخافيين ولاترتبكين حبيبتي .. انتي اترومين تتحديين الكل وتثبتين عمررج ماعليج من النااااس اللي حولييج حطي هالشي في بالج والله يبعد هالخوف عنج يااارب
عادي فديتك القدي اليوم اللي قبل الامتحان عدل وخليج واثقه من قدرتك على السواقه وانسي ان شيء شرطي حذالج واستغفري والله يوفقج
احسج شي انج تتحكمين بتفكيرج يعني اعتبري الشرطي شخص عادي طالع معاج ويدلج مكان عسب هالرهبه ترووح
ولاتنسي انج تتوكلين على رب العالمين
موفقه وان شاءالله نتريا موضوع انج حصلتي الليسن
ربي يوفقج ويحفظج
بس لما تكونين بروحج هيئي نفسج واتخيلي اللي بيصير وكيف بتكونين وكيف بتنجحين واتخيلي الموقف بالتفاصيل
وان شاءالله المره اليايه بتنجحين^^
مرات تصير لي هالحاله اذا كنت بقدم شي مهم مثل برزنتيشن او برمس جدام حد ما اعرفه او جدام مجموعة رياييل..
بس دايما حطي في بالج وانتي تتكلمين ان محد جدامج و خاصه يوم بتسمعين الايه غمضي عيونج و تصوري ان
القرآن جدامج و انتي يالسه تقرين منه هالشي بيخفف من توترج..
و نفس الشي بالنسه للسواقه لا تهتمين للشرطي الي حذالج خليج طبيعيه و ركزي في الشارع و توجيهات الشرطي لا تركزين على الي حواليج و منو معاج في السياره..
بالتوفيق لج الغاليه
الله يعينج
عاد بالساعه صعب تعرفين اليمين من اليسار >_< اسهل شي احفظي الايد اللي تاكلين فيها يمين ^^ وبتكون سهله عليج وقت الربشه … ماعليج منه لا اطالعين ويهه تخيلي انه اخوج او اي حد من الاهل… وسوي روحج عاقله وطالعي المناظر عدل خليه يشوفج تحركين راسج عرفتي ^^ سوقي بهدااوه وريلاكس وحطي في بالج اووه خله عادي رسبت بعيده مره ثانيه ^^ وجي بتنجحين ان شاء الله
وابتسمي ولا تروينه انج مرتبكه ^^ واقري المعوذات قبل لاا ادشين السياره