السلام عليكم ورحمة الله وبركاته
اشحالكم امهات المستقبل
بغيت اتخبركم عن حضانة الدانه اللي في بني ياس (انا قريت انه عندهم فرع اهناك) او خليفه ب… هل عندهم باص يوصل للشامخه؟
وشو تنصحوني؟
لقيت حضانة اسمها توينكل ورا مستشفى دار الشفا حذال دوامي، ماعرف عنها اي شي بس الحلو فيها ان ولدي بيكون معاي طول درب الروحه والييه للدوام
، لكن في نفس الوقت حبيت نظام الدانة**.. بس ما اقدر اوصله واييبه لان بين بوظبي والشامخه تقريبا 45 دقيقة.. فلازم اخليه يروح وايي بالباص
ماعندي اي فكرة عن مكان الحضانة لاني دورت وما لقيت لهم موقع الكتروني
ودقيت على الارقام كله يعطيني مقطوع
شو السالفة سكروها الحضانه؟؟؟؟
وتتوقعون شو اقرب فرع للشامخة، بني ياس ولا خليفة ب؟
يا ريت لو تفيدوني..
والله ما عندي فكره 
احاول اذكرلج بس مسميات المدارس اختبصت عندي ابا اتذكر اذا الدانه هي نفسها الياسمين ولا غير
ان شاء الله الخوات يفيدونج
ما ادري اذا حضانتهم اوكي ولا لا بس بنتي خلصوا السنة الدراسية للأسف كي جي
وما درسوهم عدل و اللحين يأخذون احرف في الاسبوع بنتي
تخبصت حليلها حتى الطرح
ما درسوه للحين و يوم سارت تمتحن حق القريد توهقت لانها
درست عندهم بري كي جي و كي جي ون و كي جي بس ابد
ما استفادت شئ يعني اكثر من
الف خلال سنوات راحت ببلاش
بالاضااااافة ان روضة الدانة الي فيها بنتي من شهر و شوي وهم
بدون مكيف للأسف الشديد
أنا اتصل فيهم ومحد يرد
هم عندهم فرع في خليفة ب بس بصراحة ماعرف وين مكانهم بالضبط
مشكورات خواتي ع الافاده
المشاركة الأصلية كتبت بواسطة أمونة 
هم عندهم فرع في خليفة ب بس بصراحة ماعرف وين مكانهم بالضبط
انا بعد شراتج عشان جذي سألت.. اسمع في ناس تمدح وفي ناس تذم. الله المستعان