السلام عليكم
الغاليات دائما اشوف كب كيك واتخبل على طريقة التزيين واشوف الاكثرية طايحين فيه
بغيت اتعلمه واتمنى ماتبخلن علي لاني عازمة اربيعاتي وابا اتعلمه لانهن دوم يعلقن علي
اني مااعرف اسوي حلويات
ابا اتعلم من الصفر
1 = بغيت اعرف طريقة الكب كيك سهلة وخفيفة ؟
2 = طرييقة التزيين اشوف الوان واايد كيف جيه ؟
3 = كيف اسوي الكريمة مال الزينة ؟
4 = كيف اسوي ورد وحركات واقعد اتفنن ؟
السلام عليكم
الغالية الكريمة ممكن تشترينها جاهزة, و أفضل نوع "كريمة مكتوب"
و حطي فيها اشوي من ملون الطعام.
و افتحي يوتيوب. و دوري طرق تزيين الكيك
يزاج الله خير يعني الكريمة جاهزة بس اخذها واحطيها ؟
ترى انا ميح في الكيك
للرفع
كريمة ماكتوب موجودة بالجمعية .. وشي موضوع بقسم الحلويات وحدة حاطة رابط يوتيوب طريقة تزيين الكيك ..لان بالكلام صعب ..لازم تشوفينه
عندج العضوة المتميزة التي لايعلى علييها شوكلاته اطالعي مواضيعها وبالشرح المفصل
لو شي وقت ممكن تجربين وصفات بس بما انه ماشي وقت بعطيج هالفكرة
بالنسبة للكيك اعتمدي على الكراتين اللي بس تخلطين الخليط الجاهز ويا بيض وماي وزيت (طبعا مكتوب ورى البوكس كم بالضبط)
اكيد اذا في صينية او اذا بتسوين كب كيك حطي صينية الكب كيك وصفي فيها الورق
بالنسبة للكريمة
كريمة ماكتوب ماجربتها بس اظن تصبين نص العلبة او العلبة كاملة حسب الكمية اللي تحتايينها
وتخلطينها بالخلاط لين تنفش وتكون جاهزة للاستخدام
او في الجمعية في نفس مكان كراتين الكيك واغراض الكيك
بتلاقين كريمة جاهزة مكتوب عليها بيتي كروكر
هذي لا تخلطين ولا شي خذيها من العلبة على كيس او قمع التزيين
او حتى حطي شوي ورتبيه بخاشوقة وحطي فوقه اي حلاوة للتزيين
بالنسبة للألوان
في الجمعيات تلاقين في الغالب 4 الوان سائلة
الاحمر، الاصفر، الاخضر، الازرق
مكتوب عليهن انهن color
لأنهن نوعين شي صبغة وشي نكهه فانتبهي وانتي تشترينها
ممممممم شو بعد 
التزيين راجع لج ممكن تاخذين الاقماع وتبدئين تجربين شوي لين تاخذ ايدج على التزيين
ان شاءالله ما اكون وايد طولت عليج
وبالتوفيق حبوبة