كارهه الدنيا و كارهه نفسي و السبه هالنفاس

معقوله النفاس كذا يسبب تحطيم نفسي و جسدي

الله يعينج و تمر المده على خير

و للرفع لأن ما عندي خبره

انا ياني اكتئاب وانصحج بشي واحد
الاستغفار ثم الاستغفااااار

أولا ألف مبروك ع الولاده والله يبارك بالي ياج ..

لا تستغربين حبيبتي هذا شي طبيعي مب شرط يوقف فيه ناس يتم معاهم أسبوعين وناس أكثر فلا تحاتين ونصيحه أشربي مشروبات دافيه وأبتعدي كليا عن المشروبات البارده أشربي حلبه، زنجبيل مع شوي حليب لو تبين حليب أو بدون ، عليج بالحبه الحمرا يعني ركزي بالمشروبات الدافيه وغير أمشي شوي بالبيت يعني تحركي عشان الاكل ينهضم بسرعه وما تحسين بالغازات ترى هاي فتره وتعدي بس يبالج صبر أنسي أنج نفاس لا تنسي الأذكار وعليج بشغل وقتج المفيد عشان ما تملين ..

عادي حبيبتي .. انا شراتج …

والغازات والهواء شي طبيعي .. وان شاء الله كله بيختفي تدريجيا …

عن الغازات,… خلي بطنج على طول مربوط بمشد ولا غيره و البسي كله غليظ
عن الدم,,, كثري من السوالف اللي تنشرب بعد الولادة من حبة الحمرا و الجرفه و غيرهم
الخياطه,,, اذا وايد تعورج روحي لدكتورتج,,, اذا عادي بس يوم تتحركين,,,بس حاولي تهتمين فيها زياده
أكيد ها الفتره متعبة بس حاولي تستمتعين فيها و لا تخلين هرموناتج تتحكم بج و تخليج يأسانه و ترى حبيبتي كله بأجره,,, صح ما تصلين,,,بس الرضاعه و السهر و الألم كله فيه أجر,,, حاولي تشوفين الموضوع من ها الناحيه و ربي بيسهل عليج ان شاء الله و مبروك ما ياج ,,, ^_^

والله ياختيه كلنا فالهوا سوا بس الواحد يحاول يكيف نفسه مع الظروف اللي يمر فيهاا
عيل انا شو اقول بيبي اهتم فيه وغيره عندي ثلاثه ربي يحفظهم وكلهم صغار
اهتم فعمري ولا فواجياتهم.. مرات والله احل عنهم الواااجب مااروم اعاااي واايد
ولا فغيره ولدي اللي كان اخر العنقود ولا فريلي اللي محد مرتاح غيره والله ها الريايل مفتكين لاحمال ولا نفاس ولا رضااع
وماعندي حد يسااعدني خواتي كل وحده لاهيه بعيالهاا وامايه حرمه عوده ماتروم .. ولكن كله باجره مثل ماقالت الاخت وصدقيني لو
يلستي تفكرين فاشيااء حلوه ع طوول بيتبرمج مخج عليها وبتتحسن نفسيتج احسن>> لاتخليني اتفلسف واااايد تراني مابسكت عكيفج