كآنت عقدتي المنطـقة الحسآسة و لكن آلحيـن ؟؟

ف قلت بكتب لكم عن تجربتي اللي كانت مسوتلي أزمة نفسيه بصراحه خخ

و ما كنت اعرف كيف اتصرف نهائيــا لين تحمست و قلت لنفسي لازم القى حل و باسرع وقت خخ ,,

قبل كل شي (( سوآء كان شيل بالموس أو حـف بالحلاوه أو استخدام الماكينه )) << فإن تقشير المنطقه بين فتره و أخرى يساعد على إزالة الخلايا الميته و تجديد البشره ,, و يساعدج عشان توصلين للنتيجه المرجـوه

أولا: كنت استخدم الموس النسائي اللي لونه وردي و احط الرغوه اللي تنحط قبل ما نشيل بالموس ,,

و استمريت على هالشي لفترة طويله يمكن بالسنه و النص ,, (( لاحظو انه سنة و نص كفيله بانها تظهرلي اذا الموس يسود المنطقه والا لا ))

و كنت استخدم واحد ثاني بعد لونه وردي من نفس هالماركه بس بدون تغيير الشفرات

و بآمانه ,, (( لا اسودت المنطقه ولا شي )) لكن كان يباله انه كل يومين او ثلاث اتداومين على هالشي ,,

(( و معــلومه جدا خاطئـه انه الموس يسود المنطقه ,, عن تجربه شخصيه والله ,, و أكيد شي اسباب ثانيه تسود المنطقه للعضوات غير الموس اللي دوم يقولون انه يسود ))

ثانيا: الحين قمت اخفف من استخدام الموس مع انه ما ضرني بشي و قمت ابتدي بالحلاوه اشوي اشوي ,,

يعني اعود عمري عليها ,,

و حسيت اول مره كان صعب وايد وايد وايد لانه اول مره لكن عقب حسيت انه الامور طيبه وايد ,,

و احساسي فعلاً كان غير !!!

و من عقبها احف و اشيل بالموس في نفس الوقت و الحمدلله انا مرتاحه الحين ,,

و طريقة الحـف انه اخذ قسم صغير جدا و احف ,, لانه هذا يقلل الالم على عكـس انج تاخذين مساحه عوده فهـذا الشي بيخلي الألم يكون أكبر و وأكبر ,,

و عن الاسوداد ,, لازم لازم لازم الشي اللي تلبسينه يكون شرات الشورت عسب ما يكون شي احتكاك و لازم تغيرين الملابس الداخليه عالاقل مره في اليوم ,, عسب المكان يكون نظيف ,,

أنا أأيد لبس البنطلون في الصيف ,, أو اذا لبستي مثلا تنورة او جلابيه ف لو تلبسين من تحت بنطلون او برمودا يكون افضل بتقولون ليش ؟

بقول لكم لأنه جونا ما يساعد ,, و الرطوبه تصير بسرعه في هالمنطقه و تخلي الاحتكاك يكون اكثر وهذا سبب رئيسي انه يسود المنطقه ,,

و المنطــقة هاي لازم لازم تكون ناشفه ما فيها ماي و عقب حطي كريم الاطفال ,, سودو كريم ,,

كريم جداً ممتاز بصراحه ,,

خليها عاده عندج انج تحطينه دوم في كل المنطقه ,, وهذا الكريم للأطفال ,, يعني مافيه أضرار و مضمون ,, و على فكـرة بنتلاحظون انه المنطقه بتفتح اذا داومتي عليها قولي اسبوع بس !

و عن الغسـول ,, ف غســول سيباميد وايد زين ,, و ريحته حلوه بعد ,, بس لو يستخدم يوميا ف مره وحده فقط ,, مب عقب كل مره تدخلين فيها الحمام (( عـــزكم الله )) ,,

ولا تنسين تستخدمين الفوط الصحيـه اليوميه ,, لأأنها تتغير كم مره في اليوم و هذا يساعد انه الملابس الداخليه تكون نظيفه و تمنع تكاثر الفطريات و هالسوالف

و شي انواع كثيره تقدرين تختارين اللي يناسبج ,,

و عقــب الدورة ,, من السنه انج تستخدمين مسك الطهــاره ,, اللي يكون على شكل مربعات صغيره ,, ب 10 دراهم الوحده منهن ,,

من عبد الصمـد القرشي ,,

تقومين بطحن القليل من المسك و تخليطنه مع قليل من ماء الورد ..

و تيبين قطنة و تمسحين المنطقه كامله من الامام للخلف بالقطنه هاي ,,

بتحسين بانتعاش و نظافه و الرائحه بتكون جميله

نعيمآ عزيزاتي ,,

تحياتي لكــم ,,

دعواتكم إنه الله يوفقني في امتحــاني ,, و يحقق أمنياتي ,,

و أتمنــى إنه تقولون لي اذا جربتو و ظهرت نتايج حلوه

و أي سؤال أنا حـاضرة ,,