هلا خواتي شحالكم؟؟
نحن الحمد الله بعد فضل الله وفضل شيوخنا الله يطول فاعمارهم نزل قرضنا ..
وبنبدا نبني جريب..
واول استفسار عندي هو..من وين تنصحونا نختار التصاميم..او منو بيساعدنا فيهن؟؟
في اماكن معينه ؟؟
وشو احسن شركة مقاولات؟؟
فالعين طبعا..
بس ع التصاميم ممكن من برى العين….
ادري انكم ما بتقصرون..اترياكم…
بالتوفيج اختي
اختي بتبنيين بالقرض ولا؟؟
اذا نزل لج القرض البنك بيعطيج اذا حابه
معلومات عن مستشارين ومقاوليين وتختارين من عندهم
المهم
عندج أركال للإستشارات الهندسي يخططون لج وعندهم تصميمات
ااذا دورتي بالنت بتحصلين موقعهم
موجوده عندنا في العين مكان شركة الاسمنت سابقا
وبعد لفي على المناطق السكنيه اليديده وطالعي متعاملين مع منو من المقاوليين
سوي بحث بالنت عن افضل المقاوليين بالعين
وان شاءالله الخوات يفيدونج اكثر
هلا بالتوفيق يالغلا …. أنا بعد بإذن الله ببني وحددت الاستشاري قصر الماسي وربي يوفق
الله يوفقج يا طشونه فبناكم،،
ام مغاوي نحن خلاص مستقرين على اركال((( فاجأني بوالشباب،،طلعت الشركه لربيعه))))
بس ما عندهم مقاول،،،
هلا ام حمدان
وانا حتى انا عيني على اركال بس بعدني بشوف بو الشباب شو بيقول
وربي يوفقنا ويسهل علينا البنيان
ويا ريت كل وحده ناوين الحين يبنون تدخل وتخبرنا كيف تفكيرهم بتصميم بيتهم يمكن نتعاون والمخيخ يشتغل لهم
السلام عليج والرحمة
الله يوفقج عزيزتي في بنا البيت والفال لنا ياااارب
انا مريت ع فلتين رووعة البنا مالهن ووقفت الدريول ونزلت واتخبرت العمال عن المقاول قالوا اسم شركته ( التقاطع لمقاولات البناء ) وخذت رقم راعيها
واركال روووعة انا ناوية بعد اسيرلهم يوم بنبني ان شا الله 
ان شاء الله اكون أفدتج ^,^
والسمووووحة