السلام عليكم
انا حامل في الاسبوع 14
وحابة استفسر بالنسبة لفيتامينات الحمل
طبعا من دخلت الرابع الدكتورة قالت لي وقفي الفوليك اسد واستخدمي الفيتامينات
وبصراحة احس بها تسوي لي لوعة من اخذها .. فقمت اخذها بالليل قم لا انام
بس صديقتي امس قالت لي غلط هالشي المفروض تاخذينها بعد الفطور او بعد الغداء
علشان تاخذ مفعولها وما يستوي تاخذينها بالليل .. فحابة أتأكد من صحة هاي المعلومة!؟
وعادي لو اطوفها احيانا يعني اني ما اخذها كل يوم ؟؟
والله ماعرف الصراحه انا دوم اخذ آخر الليل عقب العشا يعني لاني اتعشى ساعات متأخر
او اصبر ساعه واخذ الحبه وارقد
ماعندي فكره الصراحه اذا هالشي صح او غلط .. ان شاء الله البنات يفيدونا ..
ما ادري والله بس الافضل انج تاخذينها الصبح عقب الريوق احسن .. وبعدين اذا تلوع جبدج من هالفيتامين ترومين تغيرينه وتكلمين الدكتوره..
ما عرف والله اختي بس اذكر اني نفسج كانت جبدي تلوع من الحديد و الكالسيوم فبدلتلي اياه بحبة وحدة فيها كل الفيتامينات
كلمي دكتورتج و خليها تبدلج اياهم
و بالنسبة انج تطوفيين بين فترة وفترة مب زين الغالية انا عانيت من هالشي عقب ما ربيت والله ارف كان عندي نقص في كل شي
اتمنى اكون افدتج في اي شي
الغاليه المفروض تاخذينها بعد الريوق لانها تمد الجسم بالطاقه وخذيها مع عصير برتقال احسن
انا اخذ elevit الصبح والكالسيوم وقبل النوم هذي تعليمات الدكتوره
المشاركة الأصلية كتبت بواسطة ام شواخي 
انا اخذ elevit الصبح والكالسيوم وقبل النوم هذي تعليمات الدكتوره
انا بعد نفسج elevit وبالنسبة للكالسيوم ما خذته بعدني
أخذ الفيتامينات والاسبرين مرة وحدة قبل ما انام
انا عن نفسي آخذها بعد الريوق ، بس احيانا انسى فآخذها بالليل
ومش عارفه إذا هالمعلومة صح ولا غلط