فكري عدل قبل القرار < للحريم فقط

إذا حسيتي انه يخونج ، أو يفكر يخونج ، تحولي من زوجة أم عيال إلى عشيقة و سوي مثل ما يسوون البنات الي يخطفن الرياييل ، فكري عدل !!!
جكيتي ريلج ؟ خلاص استري عليه من باب ( من ستر على مسلم ستر الله عليه ) > مب حديث هذا
جكيتي ريلج ؟؟ لا تكلمينه ولا تصيحين و تحرقين أعصابج ، سويله طاف يوم ، يومين ، أسبوع اسبوعين ، بس لا تشيلين قشج و تطلعين من بيتج
جكيتي ريلج ؟؟؟ لا تكلمينه عن الخيانة و لا تسألينه في شو قصرت معاك ؟ خليه يلوم نفسه ، يحس بالذنب يحس أنه خسر شي مهم في حياته
جكيتي ريلج ؟؟؟؟ لا تجادلينه بالكلام و لو حتى اقترب منج و بيكلمج اسمعي بس لا تردين ( حرق اعصاب بس )
جكيتي ريلج ؟؟؟؟؟ فكري بعيالج ، لان بالطلاق بيطيح كل شي على راسج و اقري قصص عن المطلقات و كيف يعانون من الطلاق ، لا تغرج الحرية و السيرة و الطلعة و انها جونقر و تروم تربي عيالها ، لا تربيه العيال يبالها رياااااال و حرمممة مب حرمممة بس لا ، بعدين ليش تعورين راسج بروحج في تربيتهم ؟؟ خليه بعد يصدع وياج

زوجج يفكر بالزواج ؟ عادي نفس حال الي يخون بس بزيد شوي كم نقطة
زوجج يفكر يتزوج ؟؟ خليه ، بتقولين كيف و أنا حرمته و ماقدر العيشة ؟ و عشرة العمر ؟ عادي اصلا طبيعة الريال ينكر العشرة و مايقدر و يحب التغيير و أنااااني بطبعه
زوجج يفكر يتزوج؟؟؟ خليه ، أصلا بتلاحظين ان الزوجة الجديدة تغار منج ، ليش؟ لآنج الاساس (منو الي يطيح في الخريف ؟ الشجرة كلها و لا ورق الشجر؟ أنتي الشجرة الاساس و هي الورق )
زوجج يفكر يتزوج ؟؟؟؟ خليه ، عيشي حياتج عادي من صالون لصالون و من سبا لسبا و من جيم لجيم ، و من نظام غذائي لنظام ، و زوري الناس و شوفي العرب و سوي الي ما كنتي ترومين تسوينه
زوجج يفكر يتزوج ، خليه ، أصلا بترتاحين ، اليديدة كله بتتشكى من شغل البيت و الدوام و الحمل و لوعة الجبد و الوحام و و و ، و انتي من شو بتتشكين؟؟ من زحمة الصالون و المدلكة و المدربة في الجيم و زحمة السير في الشوارع

خلي الريال يسوي الي يباه و انتي سوي الي تبينه بس لا تفكرين تطلعين من البيت و تنفصلين ، لا تفكرين تهدمين بيتج بيدج علشان وحدة ثانية تاخذ مكانج ، فكري عدل قبل القرار !!! و اذا فكرتي بالانفصال ، خليه يكون بعد ما يتزوج في حال انه ما قدر يعدل بينكم ، !! بس فكري عدل !!!