خواتي انا عندي مشكلة كبيييرة أذتني نفسياً ومعنوياً وراح تهدم حياتي الزوجية
مثل ما شفتوا في العنوان صار لي سنة وكم شهر وللحين عذراء ,, والمشكله كلها فيني ( اخاف وارتعب واحس باحساس التشنج في كل جسمي )
قررت اني اسوي عملية فض الغشاء بالجراحة ,, بس خايفة منها ,, هل بعدها راح ينتابني الخوف مثل الحين؟
وهل في احد جربها ,, يا ريت احد يخبرني اذا عنده اي معلومات عن هالموضوع ..
ويعطيكم العافية
اختكم زينب
يالغااالية ليش اتخافين تراج ما بتحسين الا بالم خفيف يمكن شرات الابرة
انا مريت بهاي الحاله الخووف و التشنج و جي بس الحمدالله وايد بنات نصحوني و فهموني و عاد توكلت
ان شاء الله البنات يفيدونج يالغالية بالمزيد
إتوكلي على الله ما يبالها جراحه و ألا شيء سيري عند دكتوره نسائيه خذي نصيحتها و بتعلمج أنتي و ريلج كيف ممكن إتحلون هالمشكله و أنا كنت شراتج خايف قبل العرس بس قبل العرس بيومين تقريبا كلمت الدكتوره و عادي و الحمدالله
الموضوع غريب صارلك سنة وكم شهر وتسألي الحين !!!!!!
كيف زوجك صابر وساكت !!!!!!!
أكثر أحد يفيدك هي الطبيبة توكلي علي الله
اتسبحي بماي دافي عشان ترتاح اعصابج
وكثري من المعوذات ورقي نفسج
لا تخلين الشيطان يوسوس عليج..
زين منه صابر سنه
ماشاء الله على ريلج اللي صبر سنه . .
حبيبتي حتى لو سويتي هالشي بالجراحه و زوج موافق
ما تضمنين ردة فعله عقب هالشي ! عادي يكرهججج
انتي ماتبين تحملين و تيبين عيال ؟!
بتمين عايشه بخوف لين متى ؟
شلي الجراحه من بالج و ارقي نفسج
واذكري الله و اهم شي الدعاء تقولينه
الله يوفقج
اختي عليج بالرقيه الشرعيه هاشي مب طبيعي