فضفضة: إنتقاء بعض النساء للألفاظ أمام البنات المتأخرات فالزواج

هلا يا بنات هذه مب مشكلة ولا أي شي مجرد بس حبيت إني أفضفض وأقولكم عن تعليقات بعض الحريم جدام البنات المتأخرات فالزواج وأنا منهم بس الحمدالله قمت حاليا أتجاهل هالسخافات لانه نصيب ومتوكله على الله، بس إن أحيانا يعقون الكلام بدون ما يحسبون له حساب وغيري ينجرح وبذكر البنات إن يحاولون ما يقولون بعض الكلمات اللي أنا أعتبرها جارحة:

عاد انا اتاثر بسرعه واحس اني اتحطم نفسيا بس يسالوني متزوجه ولا لا

وكل البنات المتاخرات ياااااااااارب اللهم عجل ولا تؤجل

إن شاء الله خير يا حبيبتي، صدقيني لو الزواج فيه خيرة لنا جان ربنا قدره لنا من زمان بس هو مأخرنه لسبب نحن ما نعرفه وربنا يعرف مصلحتنا أكثر منا نحن، مشكلتنا نتأثر بكلام الناس، تجاهلي نحن ما غلطنا في شي، من يقولولج شي قوليلهم بعده الله ما كتبه لي ويوم بيريد بإذن الله بيستوي.

اختي الله يهديهم الناس، نحن ما نقدر نغير سلوكيات او اسلوب الرمسة عندهم حرمة عودة او مراهقة سمعت من اهلها، بس مثال ردج عل البنت الصغيرة عين العقل ما شاء الله عليج، تدرين نحن عندنا بنات في العايلة ما شاء الله عليهم اللي مدرسة واللي وكيلة و اللي مديرة و ما عرسوا اللي محد خطبها و اللي ما يا الشخص المناسب عمرا او اخلاقا الى اخره، بصراحة انا احب ارشحهم اول شي قبل الاصغر لانهم هم الاولى و اتمن من كل وحدة في عايلتها شباب يبون يعرسن ترشح البنات الاكبر سنا مب تدور عل الصغار سبحان الله استوى نصيب و حلو البنات يخلصن و لاحقين عل الصغار وان شاء الله تتحقق امنياتكن كلكن

المشاركة الأصلية كتبت بواسطة Mina_Rose

إن شاء الله خير يا حبيبتي، صدقيني لو الزواج فيه خيرة لنا جان ربنا قدره لنا من زمان بس هو مأخرنه لسبب نحن ما نعرفه وربنا يعرف مصلحتنا أكثر منا نحن، مشكلتنا نتأثر بكلام الناس، تجاهلي نحن ما غلطنا في شي، من يقولولج شي قوليلهم بعده الله ما كتبه لي ويوم بيريد بإذن الله بيستوي.

عيبني تفكيرج الراقي …
مثل ما قلتي كله نصيب وارادة رب العاليمن فوق اي شي
طنشي حبيبتي قوليلهم بعدني ما شبعت من العزوبيه ويوم يي النصيب ربج كريم..
موفقه غناتي والله يرزقج بالريل الصالح اللي يقدرج ويسعدج ..

المشاركة الأصلية كتبت بواسطة Mina_Rose

إن شاء الله خير يا حبيبتي، صدقيني لو الزواج فيه خيرة لنا جان ربنا قدره لنا من زمان بس هو مأخرنه لسبب نحن ما نعرفه وربنا يعرف مصلحتنا أكثر منا نحن، مشكلتنا نتأثر بكلام الناس، تجاهلي نحن ما غلطنا في شي، من يقولولج شي قوليلهم بعده الله ما كتبه لي ويوم بيريد بإذن الله بيستوي.

صاااااااادقة